Voorskou – Paul Roos vs. Paarl Gimnasium

Paul Roos Gimnasium se onoorwonne status vanjaar op die rugbyveld sal vandag om 12:15 in die Markotter-stadion in Stellenbosch behoorlik deur Paarl Gimnasium getoets word. Die span van die Eikestad het verlede jaar in die Paarl met 16-10 koning gekraai en hiermee ook vir die eerste keer vir Gimmies sedert 2006 op sy agterplaas geklop.  

Die wedstryd word regstreeks op SuperSport gebeeldsend en is deel van die Premier Interschools program. 

Paul Roos is onlangs as kampioen van die jaarlikse Sanix-toernooi in Japan gekroon na hy Brisbane Boys’ College met 35-3 in die eindstryd oorrompel het. Paarl Gimnasium se enigste nederlaag sover vanjaar het teen Bishops (35-32) gekom. Die span van die Paarl sal veral die tuisspan se vleuel, Nico Leonard, wil hokslaan. Leonard het vanjaar al 15 keer agter die doellyn gaan kuier. 

Gimmies het self ‘n makro-vleuel in Max Thalwitzer. Die twee is egter nie direkte teenstanders in die kragmeting nie. Gimmies se gereelde senter, Taigh Schoor, sal van die plaasvervangersbank sy verskyning op die veld maak. Die breier, Christoff Lotter, het besluit dat George Lourens en Charl du Toit die middelveld Saterdag sal beman. 

In 2011 was ‘n bydrae van 20 punte deur Gimmies se jongste Springbok, Handre Pollard, nie genoeg om aan sy span ‘n sege te besorg nie. Pollard het ses strafdoele en ‘n doelskop tussen deur die pale gejaag, maar Gimmies moes steeds met 34-30 die knie buig. Paul Roos se stut, Migael Grobler, het twee keer oor die doellyn geval. Die vleuel, Andre le Roux, het met vyf strafdoele en twee doelskoppe geslaag. 

Gimmies het was meeste van die interskole-kragmetings tussen die twee skole sedert 1990 aan die wenkant. 

Vorige kragmetings (sedert 1990): 

Die spanne is:

Paul Roos Gimnasium: 15 Joshua Vermeulen, 14 Nico Leonard, 13 Troy Payne, 12 Kristoff Baard, 11 Jason Myburgh, 10 Damian Willemse, 9 Joss van Eeden, 8 Malan Basson, 7 Roelf Burger, 6 Dean van Tonder, 5 Joa Swart (kaptein), 4 Lazlo Pscorn, 3 Stephan Annandale, 2 Abrie Coetzee, Muammir Salie.  

Paarl Gimnasium: 15 Naudé Wessels, 14 Max Thalwitzer, 13 Charl du Toit, 12 George Lourens, 11 Keenan Abrahams, 10 Wian van Zyl, 9 Zak Burger, 8 Muller Uys, 7 Gustav Marais, 6 Johan Visser, 5 Ernst van Rhyn (kaptein), 4 MJ Hayes, 3 O’Neil Thiart, 2 Johan Grobbelaar, 1 Rohan Hamman. 

Afskop: 12:15

2011

Paul Roos Gimnasium 34 (13) – Driee: Migael Grobler (2), Bokkie Carstens. Doelskoppe: Andre le Roux (2). Strafdoele: Le Roux (5). Paarl Gimnasium 30 (13) – Driee: Corne Cooper, Daniel du Toit. Doelskop: Handre Pollard. Strafdoele: Pollard (6). 

Paul Roos 34 (13), Paarl Gim 30 (13): PAUL ROOS – Drieë: Migael Grobler (stut, 2), Bokkie Carstens (skrumskakel). Doelskoppe: André le Roux (vleuel, 2). Strafdoele: Le Roux (5). PAARL GIM – Drieë: Corné Cooper (flank), Daniël du Toit (senter). Doelskop: Handré Pollard (losskakel). Strafdoele: Pollard (6).

2010

Paarl Gimnasium 30 (20) – Driee: Jacques Botha, Christiaan Smit, Mynhardt Kitshoff. Doelskoppe: Willie Viljoen (3). Strafdoele: Viljoen (3). Paul Roos Gimnasium 27 (3) – Driee: Craig Barry, Darryl Ndajilla, Renier Marais, F Smal. Doelskoppe: Gideon Meiring (2). Strafdoel: Meiring. 

2003

Paul Roos (6) 16, Paarl-gim (8) 16: PAUL ROOS — Drie: Normal Laker (senter). Doelskop: Morné Blaauw (losskakel). Strafdoele: Blaauw (3). PAARL-GIM -Drieë: Mario Ruster, Andre Botha (vleuels). Strafdoele: Willem Laubscher (losskakel, 2). 

2002

Paarl-Gim (13) 28, Paul Roos (0) 12: Paarl-gim Drieë: Daniller (heelagter), Du Toit (vleuel), Burger (flank). Doelskoppe: Duvenage (losskakel, 2). Strafdoele: Duvenage (2). Skepdoel: Duvenage. Paul Roos Strafdoele: Van der Westhuizen (4).

2001

Paul Roos-Gim 0, Paarl-Gim 0 (11): Paul Roos kon nie sy gebiedsvoordeel in punte omskep nie grootliks weens ‘n gebrek aan deurdringingsvermoë terwyl Paarl-Gim sy veel minder puntekanse aangegryp en ‘n oorwinning verseker het. Albei spanne se verdediging was van hoogstaande gehalte. Die enigste drie is deur die Paarlse voorryman Gouws gedruk, terwyl Duvenhage (losskakel) twee strafskoppe deur die pale gejaag het.

1997

Paul Roos (9) 9, Paarl-Gim (9) 27: Goeie dryfspel deur Paarl-Gim se voorhoede het die besoekers die toon laat aangee. Nadat Paul Roos aanvanklik uitstekend verdedig het, het die Gimmies met drie drieë in die tweede skof ‘n goeie oorwinning verseker. Mooi bewegings het uitgeloop op drieë deur Smith (vleuel), Joubert (senter) en Myburgh (heelagter). Bester (losskakel) was met die doelskoppe onsuksesvol, maar het wel vier strafdoele behaal. Vir die Stellenbossers het Strydom (losskakel) met twee strafskoppe en ‘n skepskop geslaag.

1994

PAARL-GIMNASIUM bly maar Paul Roos se tier. Die Stellenbossers het eergister in die jongste reeks o.19A- skolerugbywedstryde in die WP hul eerste nederlaag op die lyf geloop toe die Gimmies hulle vir die tweede agtereenvolgende jaar naelskraap geklop het. Verslae van die vernaamste wedstryde: Paarl-Gim 25, Paul Roos 21: In ‘n kragmeting waarin sake hoofsaaklik voorlangs uitgespook is, het Paarl-Gim moontlik die beste daarvan afgekom. Paul Roos se agterlyn het gevaarliker gelyk, maar die besoekers se aanvalskanse was beperk. Die Gimmies was ná ‘n wipplank stryd met rustyd 18-14 voor. Loggenberg (flank) en Aylward (vleuel) het drieë vir die tuisspan gedruk en Koen (losskakel) was met een doelskop en twee strafskoppe in die kol. Joyce (senter) het ‘n opportunistiese drie vir Paul Roos gedruk terwyl Hugo (senter) met drie strafskoppe raak gekorrel het. Vroeg in die tweede helfte het die Gimmies hul voorsprong gerek toe Pretorius (stut) uit ‘n puik dryfbeweging gaan druk het. Enkele minute later het Coetzee (flank) die tuisspan se doellyn oorgesteek. Koen en Hugo het die onderskeie drieë gedoel. 

1992

Paarl Gimnasium 13 (3) – Drie: Surmon. Doelskop: Louis Koen. Strafdoele: Koen (2). Paul Roos Gimnasium 10 (0) – Driee: Basson, Hoffman. 

1991

Paul Roos Gimnasium 20 (9) – Driee: Justin Swart, Tredoux, Thiart. Doelskop: Basson. Strafdoele: Swart, Basson. Paarl Gimnasium 12 (12) – Drie: Du Plessis. Doelskop: Smit. Strafdoele: Smit (2). 

1990

Paarl Gim 12, Paul Roos 31: Paul Roos se taktiek van hoë skoppe en die uitbuit van foute deur die tuisspan het goed vrugte afgewerp en grootliks bygedra tot die Stellenbossers se oortuigende oorwinning. Puik spel deur Paul Roos se losvoorspelers en die besoekers se oorheersing van die lynstane het verder daartoe bygedra dat Paul Roos met gemak gewen het. Nadat Bruwer (losskakel) ‘n skepdoel vir die Gimmies behaal het, het Paul Roos ‘n voorspring van 13-3 opgebou met drieë deur Van Reenen (slot) en Van Wyk (haker), terwyl Hugo (slot) ‘n doelskop en ‘n strafdoel behaal het. Kort voor rustyd het twee strafdoele deur Du Plessis (heelagter) die Paarliete se agterstand laat krimp. Paul Roos het al meer die toon aangegee in die tweede helfte. Nadat Muller (flank) ‘n drie uit ‘n oorstootskrum behaal het, het hoë skoppe gelei tot drieë deur Theart (senter) en Krige (skrumskakel). Hugo was met al drie doelskoppe suksesvol. Du Plessis het ‘n vierde strafdoel vir die tuisspan bygevoeg: 31-12.

• About
• Latest Posts

Hannes Nienaber

Hannes Nienaber covered schools' rugby in South Africa for Volksblad, Beeld, and Rapport for 11 years. He also created the biggest school rugby website in South Africa - School of Rugby - back in 2007. It eventually morphed into Supersport Schools Plus. He still occasionally milks cows.

Latest posts by Hannes Nienaber (see all)

• All Eyes on Paarl as Gimmies dare to start as favourites against Grey - 2026-04-17
• Well-rested Garsie Bere ready for Affies test in King Price Derby Series clash - 2026-04-17
• Oos-Moot edge Klofies in thrilling Suzuki Netball Power Series clash - 2026-04-16