Lydenburg en Robbies sal hul Limpopo-teenstanders in SDC Noordvaal Cup met kous oor die kop huis toe wil stuur
Die SDC Noordvaal Cup se Groep 2 is sonder twyfel een van die mees opwindendste ligas in dié reeks.
Meeste spanne weet nie te veel van mekaar af nie, terwyl die faktor van reis buite jou provinsie asook dat dit uitspeelwedstryde is, sonder twyfel ‘n element van opgewondenheid na die tafel toe bring.
Die Pumas beklee vanjaar die boonste posisie op die reeks se prioriteitslys. Dit beteken dat die unie se drie spanne – die Hoërskool Ermelo, Lydenburg en Rob Ferreira al hul wedstryde tuis sal speel, buiten natuurlik as hulle teen mekaar te staan kom. Ermelo kan eers in die eindstryd teen ‘n skool vanuit die Pumas te staan kom, terwyl Lydenburg en Rob Ferreira mekaar eers in die halfeindstryd kan ontmoet.
Daar moet egter nog heelwat water in die see loop voordat bogenoemde homself in die reeks sal uitspeel.
Die Pumas se naaswenner, Lydenburg, sal in sy eerste uitspeelwedstryd teen Frikkie Meyer van Thabazimbi op sy tuisveld in Mashishing te staan kom. Lydenberg het in die Puma-eindstryd met 26-31 die knie teen Ermelo gebuig. So daar was nie veel tussen die twee spanne te kies nie.
Frikkie Meyer is nou wel Limpopo se derde gekeurde span maar daar was in die provinsie ook nie veel te kies tussen die voorste drie spanne nie. Die Limpopo-kampioen, Ellisras, het vir die span van Thabazimbi met 25-22 in hul ligawedstryd getroef.
Hoewel Midstream College van Midrand die verdedigende kampioen is, sal die spanne vanuit Mpumalanga en Limpopo sonder twyfel almal sterk aanspraakmakers op vanjaar se titel wees. Midstream College het in 2022 en 2023 die kroon as kampioen van dié liga gedra.
Lydenburg het vir Rob Ferreira met 34-27 in die halfeindronde van die Puma-liga geklop. Die uitslag was ietwat van ‘n verrassing na Rob Ferreira vir Lydenburg met 32-14 in hul ligawedstryd gekarnuffel het.
Ellisras het ‘n moeilike taak wat op hul wag wanneer hul na Witrivier reis om teen ‘n omgesukkelde Rob Ferreira kragte te meet.
Die Robbies se agtsteman, Tlotlo Ratshwene, asook die flank Zander Visser kan die besoekers heelwat hoofbrekens met hul kraglopies besorg. Die Rassies sal vertrou dat hul haker, Hanno Kay, weer soos in die Limpopo-eindstryd teen Ben Viljoen soos ‘n vierde losvoorspeler op verdediging woel.
Rob Ferreira het vroeër vanjaar teen die verdedigende Noordvaal-kampioen, Midstream College, met 0-15 tydens sy jaarlikse Danie Rossouw-week die knie gebuig. Die span het intussen van krag-tot-krag gegaan. Interresant is dat die Robbies se twee ander kragmetings tydens die week ook teen twee van die Ligbloues se ander verteenwoordigers in die uitspeelwedstryde was.
Die span van Witrivier het ook vir Wonderboom (29-8) en HTS John Vorster (30-20) tydens dié week geklop.
Hans Moore van Benoni sal hoop dat sy tuisveld vir hom ‘n bondgenoot in sy uitspeelwedstryd teen die Bergsig Akademie van Rustenburg sal wees. Hans Moore het in die Valke se eindstryd die knie naelskraaps met 24-25 teen Oosterlig gebuig.
Hans Moore was ook vroeër vanjaar by die Danie Rossouw-week in aksie en het daar vir Midstream College met 21-7 omgedop. Die span van Benoni het ook vir Bergvlam van Mbombela met 24-21 tydens die week geklop.
Bergsig spog self met ‘n gedugte span en het vanjaar saam aan die Blou Bul-liga deelgeneem tot en met die uitspele. Die span van Rustenburg is self ‘n gedugte span en dié uitspeelwedstryd in Benoni behoort vir vele hoogtepunte te sorg.
Dinamika van Alberton sal op sy tuisveld teen Wonderboom te staan kom. Die span van Alberton het vroeër vanjaar vir Hans Moore in die liga met 28-18 geklop. So hy behoort as die gunteling op die veld teen die Wonnies uit te draf.
Die spanne is:
Dinamika teen Wonderboom in Alberton om 11:45:
Dinamika: 15 Zavian Matthys, 14 Shawlynne Minnies, 13 Shane Serfontein, 12 Kyle Young, 11 Josh Egwatu, 10 Dylan Feenstra, 9 Gustav Schutte, 8 Morné van Wyk, 7 Keanu Viljoen, 6 Jonathan Rebelo, 5 Janco Fourie, 4 Darren Pretorius, 3 Ruan du Preez, 2 Duandré Boshof, 1 Gydeon Keevy.
Wonderboom: 15 Eduan Kritzinger (kaptein), 14 Jayden van der Ryst, 13 Ryan van Greunen, 12 Tyron Janse van Noordwyk, 11 Carlo Schmahl, 10 Navan Jansen, 9 Barend Bossert, 8 Ryan Otto, 7 Kevin Fensham, 6 Jancu Nel, 5 Jayden Prinsloo, 4 Donovan van Heerden, 3 CJ Snyman, 2 Guillaume Luüs, 1 Zander van der Merwe.
Skeidsregter: Ruan Benadie (Goue Leeus Skeidsregters-vereniging).
Hoërskool Lydenburg teen Frikkie Meyer op Mashishing om 11:30:
Lydenberg: 15 Thabelo Moloi, 14 Candice Kok, 13 Siya Fakude, 12 André Roux, 11 Jaiden Koetzee, 10 Curtleigh Koetzee, 9 Elje Kok, 8 Lesedi Mahlangu, 7 Jaiden Venter, 6 Diego Mbanjwa, 5 PP Malan, 4 Kobus Oosthuizen, 3 AJ van Deventer, 2 FJ Terblanche, 1 Phillip Pienaar.
Frikkie Meyer: 15 HP van Heerden, 14 Wian Pretorius, 13 Omphile Masopha, 12 Prince Sekoboane, 11 MC Barnard, 10 Merico Venter, 9 Luan Ras, 8 Echard de Klerk, 7 Keanu Visser, 6 Darren Pretorius, 5 Devonric Swart, 4 Janco van Deventer, 3 Johnny Barnard, 2 Stefan Mulder, 1 Lourens Pieterse.
Rob Ferreira teen Ellisras op Witrivier om 10:15:
Rob Ferreira: 15 Mayare Mbatsane, 14 Asanda Shiba, 13 Londani Nyathikazi, 12 CJ Pretorius, 11 Bundas Mabanda, 10 Ofentse Maunye, 9 Shapard Khoza, 8 Tlotlo Ratshwene, 7 Zander Visser, 6 Lungelo Mokwena, 5 Jaco Bekker, 4 Daniel Ferreira, 3 Juan-Dean Nunes, 2 Marcelle Nel, 1 Sandile Nkoana.
Ellisras: 15 Tinyeko Nkuna, 14 Garreth Mosima, 13 FJ Drotskie, 12 Rabadiba Lebo, 11 Ashley Monyelo, 10 Anzio Swartbooi, 9 Malose Moshupje, 8 Funi Simba, 7 Derik Besseling, 6 Bismark van Blerk, 5 Daniel Leahy, 4 Samuel Leahy, 3 Boom Mfisa, 2 Hanno Kay, 1 Rigby Hobarth.
Hans Moore teen Bergsig Akademie in Benoni om 11:20:
Hans Moore: Nie ontvang.
Bergsig Akademie: 15 Alzandro dos Santos, 14 Lundro Scheepers, 13 Jacques du Plooy, 12 Dan Bogopane, 11 Marlon Mowers, 10 Luan Duvenhage, 9 Paulo dos Santos, 8 Juhandré Steyl, 7 Dewald Potgieter, 6 Christian de Abreu, 5 Caleb Kihoto, 4 Taffa Luyanda, 3 Bhongo Sakie, 2 Phillo Thomas, 1 Tjaard Bernard.
![Charlie Hofmeyr u16 - 2018 [captained by Cameron Hanekom]](https://ssschoolsplus.co.za/wp-content/uploads/2024/11/WhatsApp-Image-2024-11-20-at-09.03.03-400x257.jpeg)
