Framesby en Nico Malan pak mekaar in interskole

Op Vrydag, 9 Augustus, vind een van die mees langverwagte jaarlikse interskole-byeenkomste in die Oos-Kaap plaas wanneer Hoërskool Nico Malan van Humansdorp en Hoërskool Framesby in Gqeberha kragte meet.

Die wedstryd tussen Framesby en Nico Malan se eerste netbalspanne, om 11:45 by Framesby, beloof om besonder opwindend te wees, gegewe die geskiedenis van die afgelope twee jaar.

Framesby se eerste span was dominant in hierdie wedywering en het die vorige twee ontmoetings oortuigend gewen. In 2022 het Framesby ‘n oorwinning van 31-23 behaal, en verlede jaar het hulle hul oorheersing benadruk met ‘n verpletterende oorwinning van 44-21.

Die vraag is egter of Framesby dit drie in ‘n ry kan maak, met die span van Humansdorp wat vasbeslote is om die gety om te draai en ‘n oorwinning op Framesby se tuisveld te behaal.

Nico Malan: Isabella Muller, Minandi Venter, Gabriella Willemse (k), Caitlynne Brown, Chrislie Ferreira, Cindy Strydom, Lily Vieira da Cruz, Jay-Leigh Piyana, Meché Draghoender, Caylin Young, Faith Swarts (beseer).

Framesby: Ruzanne du Randt, Simone Louw, Quine Zeelie, Natalie van Rensburg, Brooklyn Elgar, Nicole Botha, Inge van Eck, Anja Vorster, Danelle Botha.