DStv Challenge: Klerksdorp kwalifiseer deur klippe kou
Hoërskool Klerksdorp is slaggereed om hierdie naweek die sterkste skole aan te vat met konstruktiewe netbal, en om elke wedstryd wat hulle speel op meriete aan te pak.
Volgens hulle bied elke skool wat vir die DStv Schools Netball Challenge gekwalifiseer het strawwe kompetisie, en sal slegs die span wat die beste gekondisioneer is, fisies sowel as sielkundig, bo uitkom.
Ervaring speel ook ‘n belangrike rol, en Laurike Mynhardt en Liane Engelbrecht het albei reeds meer as 50 wedstryde vir Klerksdorp se eerste span gespeel.
Die afrigtingspan: Merinda du Preez, Michelle Pretorius.
Die eerste span : Laurike Mynhardt (doel), Chiara Vermeulen(hulpdoel), Liane Engelbrecht (aanvallende vleuel), Chene Coetzee (senter), Julindi Wilkens (verdedigende vleuel), Jenna van Dyk (hulpdoelverdediger), Jay-Lee Mayo (verdediger), Thelane Joubert (hulpdoelverdediger).
