JF troef Fichies met 26 doele

Hoërskool Jim Fouché het Saterdag vir Hoërskool Fichardtpark op indrukwekkende wyse met 39-13 verslaan in die Wesgrow Sentrale Sportreeks.

Jim Fouché het van meet af die toon aangegee en, na ‘n sterk begin, teen die einde van die eerste kwart reeds met 12-5 voorgeloop. Hulle het momentum opgetel in die tweede kwart, om hul rustydvoorsprong na 19-9 te rek.

Namate die wedstryd in die derde kwart gevorder het, het JF eenvoudig van krag tot krag gegaan en met ‘n vlaag doele die gaping aan die einde van dié kwart na 29-10 vergroot.

Jim Fouché was haas onkeerbaar in die laaste kwart om 10 verdere doele by hul totaal te voeg, terwyl Fichies tot slegs drie beperk is.

Hoewel die wenspan as geheel uitstekend vertoon het, het Zandria Bastone en Lindsey Neveling in besonder uitgeblink.

• About
• Latest Posts

Felicia Erasmus

Felicia is a writer for SuperSport Schools Plus. Her writing career started in 2023. She writes netball articles. Felicia enjoys reading and watching netball and cricket, and she feels that school sports builds character and that more children need to be exposed to it regularly.

Latest posts by Felicia Erasmus (see all)

• Bloemhof behaal naelskraapse sege oor La Rochelle in Boland-derby - 2024-07-22
• Affies keep title as DStv Schools Challenge champions Lehe - 2024-07-14
• DStv Challenge: Menlopark ryg die titels in - 2024-07-12