Oranje durf Paarl-reuse aan op netbalbaan
Oranje Meisieskool van Bloemfontein betree nuwe horisonne hierdie naweek, wanneer hulle teen die netbalkragte van die Paarl, in die Paarl, te staan kom.
Geskiedenis word ook gemaak met Oranje se heel eerste interskole-kragmeting met Paarl Gimnasium.
Die aksiebelaaide naweek skop af met Oranje en HMS Paarl wat mekaar Vrydagmiddag om 16:20 die stryd aansê.
Saterdag word die opwindingsvlakke selfs hoër gelig, wanneer Oranje om 11:15 vir Paarl Gimnasium in hul geskiedkundige interskole-kragmeting aandurf.
Surita le Roux, Oranje se hoof-netbalafrigter, het te kenne gegee dat haar span hoogs opgewonde is om teen die beroemde skole van die Paarl mee te ding.
“Dit is ‘n groot voorreg om teen HMS Paarl en Paarl Gimnasium, in ‘n eerste interskole-kragmeting, te kan speel,” sê Le Roux.
“Daardie skole se prestasies en resultate oor die jare spreek vanself, en ons voorsien dat hierdie naweek se netbalwedstryde uiters mededingend en hard sal wees. Ons sien nietemin uit na die uitdaging en hoop om vriendskappe te smee in die proses wat veel verder sal strek as die netbalbaan.”
Juline van der Merwe van Paarl Gimnasium sê dat hulle ook harde, kompeterende netbal verwag.
“Ons fokus is egter 100% op onsself en hoe ons ons eie strukture kan verbeter,” vertel sy. “Ons sien uit daarna om netbal van die hoogste gehalte ten toon te stel.”
Na hul kragmeting met Oranje Vrydagmiddag, kom HMS Paarl Saterdag om 11:20 teen nog ‘n gedugte opponent, die Hoër Meisieskool Bloemhof, te staan.
“Dit is altyd ‘n hoogtepunt op ons netbalkalender om teen Bloemhof te kan speel,” sê Marli Visagie, afrigter van HMS Paarl.
“Ons het hard gewerk en is reg vir ‘n dag van goeie sportmanskap, tawwe teenstand en puik netbal wat opgedis sal word tussen die spanne.”
Oranje se span teen HMS Paarl
D – Nadine Jonck
HD – Marianne Louw
AV – Karin Truter
S – Diné le Roux
VV – Amy Fröhlich
HV – Marguerite Cronjé
V – Anja Cohen
Reserwes
D of HD Danielle v Jaarsveld
VV / HV Jessica Barnard
VV – Ane Goosen
V – Kylie Steenkamp
Oranje se span teen Paarl Gimnasium
D – Nadine Jonck
HD – Marianne Louw
AV – Diné le Roux
S – Amy Fröhlich
VV – Marguerite Cronjé
HV – Anja Cohen
V – Cara Smith
Reserwes
D of HD Danielle v Jaarsveld
Av/ HD Karin Truter
VV / HV Jessica Barnard
VV – Ane Goosen
HMS Paarl se span
Anke Stofberg
Sophia Wium
Isabella Cook
Kyla Sabbagha
Mine vd Walt
Elzahn Nel
Jenna Haywood
Angie Cook
Janie Visser
Cara Els
Paarl Gim se span
Anja Smit
Leané Otto
Marli Matthee
Carly Basson
Elené Vosloo
Jana Martin
Cathryn Botes
Annabella Wiese
Eloné Dippenaar
Milla Barnard
