SuperSport Schools Plus

Middies en Wesvalia pak mekaar om eerste Kovsie Smash-titel

By Franco Oberholzer , in Cricket | Featured Cricket | News , at 2024-01-10 Tags: , ,

Die Hoërskool Middelburg en Wesvalia van Klerksdorp sal sake teen mekaar in die eindstryd van die eerste Kovsie Smash in Bloemfontein uitspook.

Dit was weer die Dreyer-duo, Eduard en Marneu Dreyer, van Wesvalia wat aan die voorpunt van hul span se sege van 75 lopies oor HTS Middelburg in die halfeindstryd van die Kovsie Smash was.

Eduard Dreyer was weer op sy stukke met ‘n onoorwonne beurt van 86 lopies nie uit nie van slegs 62 aflewerings. Die aanvangskolwer se beurt het nege grenshoue ingesluit waarvan ses viere was en drie oor die grenstou geseil het.

Marneu Dreyer het ook sy goeie spelpatroon voortgesit om nog 27 lopies by week se totaal te las. Hy en Eduard Dreyer was ook in 42-lopie aanvangsvennootskap, waarna daar voet op die versneller gehou is vir vennootskappe van 48 lopies en 53 lopies na Marneu Dreyer se terugkeer na die paviljoen.

Met die bal in hand was dit Ethan Walker se beurt om die Middelburgers onder druk te sit. Hy kon na ‘n goeie boulskof spof met indrukwekkende syfers van 3/24 in sy toegelate vier beurte. Eduard Dreyer het ook ‘n waardevolle bydra gemaak met syfers van 2/10, terwyl Quewen Fourie ook twee paaltjies kon plat rek vir 24 lopies.

In die ander halfeindstryd is daar beslis naels gekou langs die veld. Die gasheer, Fichardtpark, het teen die onvoorspelbare Hoërskool Middelburg te staan gekom. Dit was egter nie die begin waarvoor die Fichies gehoop het nie en was die gashere vroeg kniediep in die moeilikheid.

Die Middies se Gavin Genis het die grootste skade berokken deur van vier kolwers vir net 24 lopies in sy vier boulbeurte ontslae geraak. Ivan Deale (2/9) het ook Fichies se kolwers met sy boulwerk probleme besorg. Fichies is op die ou einde vir net 61 lopies uitgeknikker.

Fichardtpark het egter nie gaan lê nie en ‘n terugvegpoging geloots danksy goeie boulwerk deur Stian Kruger (3/13) en Eben Botha (2/9). Shaun Taljaaard (16, 17b) het saam met Hendré Nel (7*) gesorg dat Middelburg hul plek in die eindstryd bespreek.

Die Fichies sal op die laaste dag sake uitspook om die derde en vierde plek wanneer hy teen HTS Middelburg te staan kom.

Beknopte telkaarte: 

Fichardtpark 61 (MJ Herbst 14; Gavin Genis 4/24, Ivan Deale 2/9); Hoërskool Middelburg 62/7 (Shaun Taljaard 16, Stian Kruger 3/13, Eben Botha 2/9); Hoërskool Middelburg wen met drie paaltjies.

Wesvalia 163/5 (Eduard Dreyer 86*, Marneu Dreyer 27, Ethan Walker 21; WJ Enslin 3/35); HTS Middelburg 88 (Toy Engelbrecht 21; Ethan Walker 3/24, Eduard Dreyer 2/10, Quewen Fourie 2/24). Wesvalia wen met 75 lopies.

Hoërskool Pietersburg 171/4 (Dian Gouws 63*, Philip Weterman 49, Hanno van Zyl 25; Luke Juylan 1/60); Despatch 107 (Tyron Smit 45, CJ Palfram 26; Stephan Swanepoel 4/9, Juan Rademeyer 2/11). Hoërskool Pietersburg wen met 64 lopies.

Oos-Moot 89/6 (Ryno Spies 32; Liam Laing 2/20); Kalahari 93/3 (Malan Lubbe 45*; Divan Potgieter 1/17). Kalahari wen met sewe paaltjies. 

Hoërskool Trio 175/7 (Gabriel Mochabela 71*, Miguel Menino 50; Cecil Parsons 3/18, Juan Theunissen 3/29); Voortrekker 176/8 (André Heunis 68, Cecil Parsons 48; Thuto Kekane 4/35). Voortrekker wen met twee paaltjies.

Witteberg 109/5 (Lesego Mosikidi 43; Motsitsi Mototo 1/7); Goudveld-Hoërskool 92/9 (Keagan Frankenfeld 18; Dumisani Johnsen 3/10, Lesego Mosikidi 2/21). Witteberg wen met 17 lopies.

Jim Fouché 119/7 (Adrian de Necker 36, Niel Wilken 33; Arkupal Dutta 1/1); Hoërskool Sasolburg 97 (Meyer Pretorius 18; Pieter Conradie 4/23, Franco de Necker 2/19). Jim Fouché wen met 22 lopies.

Sentraal 92/8 (Daniel Pienaar 24; Janco de Lange 5/11); Overvaal 93/5 (Janco de Lange 39, EW Botes 28*; Aldo Bezuidenhout 2/10, Reshe Wales 2/13). Overvaal wen met vyf paaltjies.

Franco Oberholzer
error: Sorry ol' chap, those shenanigans are not permissible.