Kempies en Marais Viljoen kan vandag plekke in Virsekerbeker beklink

Indien die Noordvaal Virsekerbeker vanjaar in ‘n ander skool se trofeekaas as Monument van Krugersdorp, Garsfontein van Pretoria of Dr EG Jansen van Boksburg staanplek kry sal dit ‘n groot verrassing wees.

Monument sal in die kwarteindronde van die kompetisie teen HTS Middelburg se Rooi Bulle te staan kom. Dit sal die derde keer vanjaar wees dat die twee spanne mekaar op die rugbyveld ontmoet. Monnas se Wit Bulle het die eerste wedstryd tydens die twee spanne in die Tuks-reeks naelskraaps met 14-12 gewen. Die twee spanne se tweede ontmoeting was tydens Kearsney College se Paastoernooi net buite Durban wat Monnas op ‘n meer gerieflike wyse met 40-8 gewen het.

Monnas het vanjaar nog net teen Eldoraigne (22-27) en Boland Landbou (22-24) die onderspit gedelf.

Die Pumas se kampioen, die Hoërskool Nelspruit, sal in die kwarteindronde teen Menlopark kragte meet. Die Rhinos van Nelspruit was in 2014 die Makroskole-kampioen.

Al die rolspelers in vanjaar se uitspeelwedstryde vir die Virsekerbeker vir Makroskole is bekend. Marais Viljoen sal eerskomende Saterdag op sy tuisveld in Alberton teen ‘n ou aartsvyand Florida in ‘n uitspeelwedstryd te staan kom.

In nog ‘n uitspeelwedstryd Saterdag sal die Hoërskool Kempton Park op sy tuisveld teen Noordheuwel te staan kom.

Indien Kempies die wedstryd wen sal hulle teen die Blou Bulle se vierde kwalifiseerde, Hoërskool Eldoraigne, in ‘n kwalifiserende wedstryd te staan kom om te besluit wie teen die verdedigende kampioen, Hoërskool Garsfontein se Bere, in die kwarteindronde te staan sal kom.

Garsfontein het in 2015 en 2016 die titel verower en het EG Jansen in verlede jaar se eindstryd met 32-28 met die Jong Bokkie-skrumskakel, Embrose Papier, aan die spits verslaan.

Die Pumas se kampioen, die Hoërskool Nelspruit, sal in die kwarteindronde teen Menlopark kragte meet. Die Rhinos van Nelspruit was in 2014 die Makroskole-kampioen.

• About
• Latest Posts

Hannes Nienaber

Hannes Nienaber covered schools' rugby in South Africa for Volksblad, Beeld, and Rapport for 11 years. He also created the biggest school rugby website in South Africa - School of Rugby - back in 2007. It eventually morphed into Supersport Schools Plus. He still occasionally milks cows.

Latest posts by Hannes Nienaber (see all)

• New Springbok No. 8 hails from the birthplace of the eighthman - 2024-11-20
• Twee nuwelinge volgende jaar in die NWU Sportreeks in aksie - 2024-11-08
• Monnas stel ‘n afrigter uit Duitsland en ‘n dokter aan om die Wit Bulle te brei - 2024-11-07