Charlies kan seisoen onoorwonne afsluit
Die eerste rugbyspan van die Hoërskool Charlie Hofmeyr is een sege weg daarvan om ‘n droomseisoen af te sluit. Die Charlies kom Saterdag in sy jaarlikse interskole teen die Hoërskool Robertson op laasgenoemde se tuisveld te staan.
Volg al die aksie regstreeks op SuperSport Schools (www.supersportschools.com).
Die Charlies spog sover met ‘n perfekte seisoen en met ‘n sege oor Robertson sal hulle die jaar onoorwonne afsluit. Boonop het hulle laas in 2016 (9-10) teen Robertson die knie gebuig. Die twee spanne het wel verlede jaar met 19-elk gelykop gespeel.
Die kragmeting Saterdag sal sonder twyfel een vir die boeke wees. Die Charlies se kaptein en losskakel, Luan Giliomee, is terug op sy pos na hy die Suid-Afrikaans o.18A-span gehelp het om Georgië met 20-3 te verslaan. Hy het tien van Suid-Afrika se punte in die kragmeting Maandag op Stellenberg se veld aangeteken.
Giliomee staan boonop voor nog ‘n mylpaal in sy laaste skolewedstryd. Hy het tot dusver 291 punte vir sy skool se eerstespan aangeteken. Dit is slegs vyf punte kort van die heelagter, Ruan Rossel, se rekord wat hy in 2022 en 2023 opgestel het.
Giliomee het tot dusver vanjaar in 15 wedstruyde ‘n totaal van 163 punte opgestapel wat 12 drieë, 35 doelskoppe en 11 strafdoele insluit. Verlede jaar het hy 128 punte aangeteken.
Die losskakel wat sy loopbaan volgende jaar as ‘n skrumskakel by die Sharks sal voortsit was tydens vanjaar se Stadio Cravenweek in Krugersdorp een van die voorste puntemakers met sy 40 punte vir die Boland. Die Wynboere het daarin geslaag om die toernooi onoorwonne af te sluit.
Robertson se buitesenter, Bernardo Diedericks, sal fyn deur die Charlies dopgehou moet word. Hy kan op die aanval die wedstryd in ‘n oomblik in sy span se guns swaai. Die besoekers se binnesenter, Philip du Plessis, sal hier ‘n belangrike rol vir sy span vertolk. Hy was ook ‘n lid van die onoorwonne Boland-span.
Die tuisspan se vaskopstut, Petrus Coetzee, was ook vir die Wynboere op die Cravenweek in aksie.
Die Hoërskool Melkbosstrand het ‘n moeilike dag wat voorlê in sy jaarlikse interskole teen Milnerton. Die interskole is die eerste keer in 2017 aangebied.
Milnerton het vanjaar ‘n bulspan en sal nie sommer Saterdag die knie buig nie. Sy kaptein en binnesenter, Frank Hitima, het vanjaar vir homself naam gemaak met sy skitterspel. Hy het vanjaar reeds sy 50ste wedstryd vir sy skool se eerstespan gespeel.
Melkbos se kaptein en buitesenter, Cyle Thys, sal vir Hitima moet hokslaan. Milnerton is natuurlik ook sonder sy SA o.18-flank Briint Davids wat op die oomblik saam die span in ‘n reeks teen Ierland, Engeland en Georgië in aksie is.
Vredendal se flank Franco van Zyl sal in sy skool se jaarlikse interskole teen Hopefield in sy 50ste wedstryd vir die skool se eerstespan uit te draf.
Die spanne is:
Hoërskool Robertson vs Charlie Hofmeyr in Robertson om 14:00:
Robertson: 15 Alexander Stemmet, 14 Haygan Present, 13 Bernardo Diedericks, 12 Tyron Matthys, 11 Johaylin Jansen, 10 Tyron April, 9 Kyle Cedras, 8 Ethan Fourie, 7 André Gelderblom, 6 Ivor Thompson, 5 Marvin Maans, 4 Mychal Swart, 3 Petrus Coetzee, 2 Yannick du Plessis, 1 Jeandré Viljoen.
Charlie Hofmeyr: 15 Jay-Jay Janse, 14 Zephenith Sass, 13 Keagan Kelly, 12 Phillip du Plessis, 11 Deolyn Isaac, 10 Luan Giliomee (kaptein), 9 Izha-vin van Wyk, 8 Tyron Davids, 7 Ivan Hanekom, 6 Daniel Beukes, 5 Le Roux Groenewald, 4 Josh Swarts, 3 Aaron Richter, 2 Kyle Cardosa, 1 Glenwill Tromp.
Hoërskool Melkbosstrand vs Milnerton in Melkbosstrand om 14:00:
Melkbosstrand: 15 Waydon Afrikaner, 14 Patrick van Niekerk, 13 Cyle Thys (kaptein), 12 Nstika Mtokwana, 11 Logan Becker, 10 Joel Maree, 9 Nico Mpoemelang, 8 David Kuhberger, 7 Hanno Bresser, 6 Christiaan de Beer, 5 Tristen Els, 4 Michael Janse van Rensburg, 3 Brody Nel, 2 Deyondre Andrews, 1 Janco Labuschagne.
Milnerton: 15 Chadlin Sellidon, 14 Jaydin Smit, 13 Morgan Lodewyk, 12 Frank Hitima (kaptein), 11 Keagan Wood, 10 Chadwin Sellidon, 9 Devon Damons, 8 Keagan van Blerk, 7 Dylan Peverett, 6 Ethan Wilson, 5 Matthew Gabriel, 4 Keenan Togni, 3 Chadley Davids, 2 Keagan Harding, 1 Sheldon Puma.
Hopefield vs Vredendal op Hopefield om 15:45:
Hopefield: 15 Jayden Engelbrecht, 14 JT Adams, 13 Anzo Bester, 12 Jarred Faulmann, 11 Aris Barends, 10 Evan Momsen, 9 Bronwun Williams, 8 Henro Kotze, 7 Schalk Jonker, 6 Boeta Schreuder (kaptein), 5 Clint Afrika, 4 John Evans, 3 Joshua Viljoen, 2 Ando Goosen, 1 De Villiers Kotze.
Vredendal: 15 Jaydon Volmer, 14 Willin Fransman, 13 Branwill Arries, 12 Waylon Smit, 11 Jaco-Willem Greeff, 10 Calvin du Toit, 9 Juan-Lee le Roux, 8 Dillen Theron, 7 Chad Tieties, 6 Franco van Zyl, 5 Gilbert de Klerk, 4 AJ Botha (kaptein), 3 Ewald Goosen, 2 Paul Liebenberg, 1 Josh Engelbrecht.
