Van vyfde span tot Cravenweek
’n Slot van Grey-kollege se vyfde rugbyspan, Lindokuhle Nyembe, is vandeesweek op verrassende wyse in die Suid-Afrikaanse Akademie-span ingesluit.
Tot voor vandeesweek se nasionale Akademieweek in Pretoria, was Nyembe nie juis ’n speler waarvan kennis geneem is nie.
Nou het hy skolespelers aan die praat.
As ’n bonus moes Nyembe verneem dat hy sy tasse moet pak aangesien hy ook van 13 tot 18 Julie in Oos-Londen aan die Cravenweek vir hoërskole deelneem.
Die sekretaris van die Vrystaatse Hoërskole-rugbyvereniging, Deon van Wyk, sê Nyembe se insluiting verbaas hom nie werklik nie.
“Ek het hom in een wedstryd op die Akademieweek in aksie gesien waarin hy uitgeblink het.”
Afgesien van Nyembe is die Vrystaatse senters Paul Jordaan en William Small-Smith ook in die SA Akademie-span ingesluit.
Die Suid-Afrikaanse Akademie-span:
Shandré Claassen (Boland), Ushimen Pateni (OP), William Small-Smith, Paul Jordaan (albei Vrystaat), Ayanda Foley (OP), Errol Jaggers (WP), Francois de Klerk, Quinton Kruger (albei Blou Bulle), Cornell du Preez (OP), Kobus Porter (Leeus, k), Schalk van Heerden (Blou Bulle), James Meechum (Leeus), Piet Stemmet (WP), Lodewickus Lourens (SWD), Kelvin de Bruyn (WP). PLAASVERVANGERS: Katlego Kgama (Leeus), Zolani Faku (OP), Lindokuhle Nyembe (Vrystaat), Majola Khaya (Leeus), Thabisho Zwane (WP), Heinrich Arendse (SWD), Kieran Goss (WP).
Deur Hannes Nienaber
