Reynolds laat talentwerwers na tjekboeke gryp
POLOKWANE. – . Geen van die talentwerwers hier het voor die Cravenweek- toernooi van die Griffons-losskakel Shaun Reynolds kennis geneem nie, maar hy het nou vir hom ‘n kontrak na die eerste twee wedstryde losgespeel.
Die talentwerwers gebruik deesdae slegs die Cravenweek-toernooi vir hoerskole om vir oulaas bevestiging te kry dat hulle die regte kopies gemaak het en vir sigbaarheid vir spelers wat moontlik ook na hulle unie na skool wil verhuis. Reynolds het met sy spel in sy span se eerste wedstryd op die toernooi so beindruk dat feitlik al die talentwerwers op die toernooi sy handtekening wil bekom.
Die Leeus het met hulle werwing eerstens daarop gefokus om plaaslike talent te behou. Van die unie se blinkste aanwinste vir volgende jaar is die losskakel Jameel Warnick (Blou Bulle), skrumskakel Johan Labuschagne, senter Sampie Hearn (albei Valke), senter Gerdus van der Walt en heelagter Abrie Reynolds (albei Leeus).
Die Westelike Provinsie het sy Cravenweek-span se grootste sterre die senter Daniel du Plessis, agtsteman Rikus Bothma en flank Jaqcues Vermeulen se dienste vir die toekoms behou. Die SA Skole-slot JD Schickerling wat die toernooi weens ‘n besering misloop sal ook in die Kaap bly. Die Streeptruie se grootste aanwinste is sonder twyfel die Leeus se stut Frans van Wyk, die Bulle se SA Skole skrumskakel Justin Phillips en die Oostelike Provinsie se losskakel Ernst Stapelberg. Van Wyk is ook weens ‘n besering nie in Polokwane in aksie nie.
Die Blou Bulle wat die afgelope paar jaar die meeste sterre opgeraap het die slot RG Snyman, haker Francois Steyn, slot Hyron Andrews, skrumskakel Ivan van Zyl en die stutte Xander and Johan van Wyk in Pretoria behou. Die vernaamste aanwinste is die SA Skole-vleuel Duhan van der Merwe, losskakel Dewald Human, senter Warrick Gelant (almal Suidwestelike Distrikte), senter Peet Schoeman (OP-platteland), vleuel Jixie Molapo (Limpopo) en senter Dimitrio Tieties (Griekwas).
Die Vrystaat het vanjaar ‘n hele paar sterre opgeraap. Die voorste drie voorrymanne wat op die toernooi in aksie is die Vrystaat se Ox Nche, die Leeus se Gunther Janse van Vuuren en die Pumas se Conrad van Vuuren sal almal onder Os du Randt se wakende oog volgende jaar by die stutfabriek van Suid-Afrikaanse rugby hulle tande slyp.
Ander aanwinste is die Valke se losskakel Ruan Potgieter, Griffons se heelagter Sechaba Matsoele, Pumas se flank Willandre Kotzenberg, SWD se vleuel Lorenzo Gordon, Vrystaat se Stephen Rautenbach, Blou Bulle se Nardus Erasmus en Vrystaat Akademie se Andre Swarts.
Drie Vrystaters die flank Marius Louw en die twee voorrymanne Andrew du Plessis en Ruan Kramer sal na Durban verhuis. Die Sharks het die Du Preez-tweeling Daniel en Jean-Luc behou. Die Ligbloues se senter Jurie Linde het ook nog nie bevestig waar hy volgende jaar sy loopbaan sal voortsit nie.
Die unie se onderskeie kopies:
Leeus: Jameel Warnick, George-Lee Erasmus, Arné van Rensburg, Richard Janse van Rensburg, Roelof Diedericks, Estiaan Enslin, Pieter Jansen, Morné Swart, Marco Holmes, Johan Labuschagné, Sampie Hearn, Xander Cronjé, Kobus Engelbrecht, Arnaut Malherbe, Clinton Theron, CJ Conradie, Dwayne Pienaar, Dylon Vlok, Gerdus van der Walt, Stefan le Roux, Abrie Reynolds, Erwin Harris, Godfrey Ramaboa, Jeandré Pitzer.
Blou Bulle: Xander van Wyk, Johan van Wyk, Francois Steyn, RG Snyman, Hyron Andrews, Abongile Nontkwatane, Calvonn Allisson, Ivan van Zyl, José Shaw, Warrick Gelant, Stefaan Grundlingh, Remu Malan, Geor Malan, Dewald Human, Duhan van der Merwe, Jixie Molapo, Toko Maebane, Peet Schoeman, Kurt Webster, Simon Bolze, Vuyo Katide, Burger van Niekerk, Desmond Strauss, Jason Jenkins, Thys van Wyk, Phillip Orfer, Dimitrio Tieties.
Vrystaat: Ruan Potgieter, Sechaba Matsoele, Stephen Rautenbach, Ox Nche, Gunther Janse van Vuuren, Corné Vermaak, Conrad van Vuuren, WP Eloff, Reinach Venter, Casper Fourie, TJ Goddard, Lorenzo Gordon, Willandré Kotzenberg, Nardus Erasmus, André Swarts, Carel Durow.
Westelike Provinsie: Daniël du Plessis, EW Viljoen, Rikus Bothma, Jacques Vermeulen, JD Schickerling, Johan Momsen, Jarryd Sage, Siya Alam, Charlton Jonas, Dewald Naudé, Frans van Wyk, Ernst Stapelberg, Justin Phillips, Brandon Thompson, Wian Jacobs, Daniël Koen.
![Charlie Hofmeyr u16 - 2018 [captained by Cameron Hanekom]](https://ssschoolsplus.co.za/wp-content/uploads/2024/11/WhatsApp-Image-2024-11-20-at-09.03.03-400x257.jpeg)
