SuperSport Schools Plus

Kovsiestreekkompetisie skop amper af vir 2014

By Hannes Nienaber , in Rugby | News , at 2014-08-08

Guilliam ViljoenDie eerste rugbyspan van Noord-Kaap in Kimberley mik daarna om vanjaar vir die sesde agtereenvolgende jaar as kampioen van die Kovsiestreek-kompetisie se Shimla-liga (vir mediumskole) gekroon te word. Volksblad is ‘n medeborg van die kompetisie.

Northerns en Diamantveld sal ondanks die uitslag van hulle jaarlikse interskole Saterdag albei tot die halfeindrondes van die liga deurdring. Die wenner van die interskole sal teen die Vrystaatse A1-liga kampioen in die halfeindstryd van die Shimla-liga te staan kom. Louis Botha is die gunsteling om die Vrystaatse kroon te dra. Die span het nie veel probleme ondervind om Jim Fouche , Sentraal , Fichardtpark en Sand du Plessis in sy ligawedstryde uit te stof nie.

Die verloorder van die stryd in die Diamantstad sal teen die Griffons se kampioen in die ander halfeindstryd van die Shimla-liga kragte meet. Die halfeindstryde van die Griffons vind Saterdag in die Noordwes-stadion in Welkom plaas. Die onoorwonne Voortrekker van Bethlehem se die Afrikaanse Hoerskool Kroonstad in die een halfeindstryd die stryd aan, terwyl Hentie Cilliers en Goudveld-Hoerskool mekaar in die ander een pak.

In die Irawa-liga (vir kleinskole) sal Landboudal van Jacobsdal probeer om die eerste span te word om die titel as kampioen te behou. Hoerskool Kathu sal Griekwas se tweede verteenwoordiger in die liga wees. Kathu het Kalahari van Kuruman naelskraaps met 18-17 geklop om hulle plek in die Irawa-liga te bespreek. Lanties het Kathu (59-17) en Kalahari (47-5) in hulle ligawedstryde verslaan.

President Steyn is die gunsteling om tot die Irawa-liga as Vrystaatse B1-liga kampioen deur te dring. Die Steyners pak Brandfort Dinsdag in die Vrystaatse halfeindstryd. In die ander halfeindstryd van die B1-liga se St. Andrew en Zastron mekaar die stryd aan. Die eindstryd vind op 16 Augustus plaas. Die kampioen sal teen Lanties in die Irawa-liga halfeindstryd te staan kom.

Die Vrystaatse plattelandse liga se kampioen sal teen Kathu in die ander halfeindstryd sake uitspook. In die Vrystaatse platteland pak Bothaville vir Vrede in die een halfeindstryd, terwyl Wilgerivier van Frankfort vir Hennenman in die ander een pak.

In die Colt-liga sal verlede jaar se kampioen, Hoerskool Bultfontein, in ‘n halfeindstryd van die Noord-Vrystaatse platteland teen Marquard Saterdag kragte meet. Hoerskool Sandveld van Wesselsbron sal in die ander halfeindstryd vir Hoerskool Piet Retief van Kestell die stryd aanse. Die kampioen van die Noord-Vrystaatse platteland sal die Griffons in die liga verteenwoordig.

De Aar is egter vanjaar die vroee gunsteling om as kampioen van die Colt-liga gekroon te word. Hy kom Saterdag teen Hoerskool Martin Oosthuizen van Kakamas in sy halfeindstryd van die Griekwa-liga te staan. Die ander halfeindstryd word tussen Hoerskool Vaalharts en Postmasburg beslis. Albei wenners van die halfeindstryde sal tot die Colts-liga deurdring.

Die Vrystaatse verteenwoordiger sal die kampioen van die Vrystaatse B1-liga wees. Die Hoer Landbouskool Hendrik Potgieter van Reddersburg is die gunsteling om as kampioen van die liga gekroon te word. Die Vrystaatse kampioen sal teen Griekwas se kampioen in die halfeindstryd kragte meet, terwyl Griekwas se naaswenner na Welkom sal moet reis om die Griffons se kampioen te pak.

Hannes Nienaber