Klofies op soek na derde agtereenvolgende NWU Sportreeks-titel

Kan ‘n span van buite Pretoria vanjaar tot die eindstryd van die NWU Sportreeks deurdring?

Na die eerste twee jaar van die reeks is albei die eerstespan-eindstryde tussen die enigste twee spanne vanuit die Jakarandastad, die Hoërskool Waterkloof en Menlopark, beslis.

In die eerste jaar (2024) het Waterkloof die Parkies met 23-8 op Eldoraigne se hoofveld verslaan om as kampioen gekroon te word. Verlede jaar in Boksburg het die Parkies en Klofies die titel gedeel (23-elk).

Vanjaar se eindstryd sal by Hoërskool Kempton Park op 18 April aangebied word.

Die halfeindrondes word op 11 April by onderskeidelik HTS Middelburg en Transvalia in Vanverbijlpark beslis.

Waterkloof sal hul aanslag op ‘n derde agtereenvolgende titel vanjaar op sy tuisveld teen die Rooi Bulle van HTS Middelburg afskop. Die kragmeting vind op Dinsdag, 10 Maart plaas.

Menlopark sal die daaropvolgende dag na Eldoraigne in Centurion reis om die Groen Drake die stryd aan te sê.

Alle oë sal wel op die kragmeting in Groep C tussen Hoërskool Middelburg en Transvalia op 14 Maart wees. Die Middies is aan die einde van verlede jaar tot die Beker-afdeling van die Virseker Noordvaalbeker gepromoveer in Transvalia se plek, wat vanjaar in die Plaat-afdeling sal deelneem. Albei spanne het dus iets om te bewys tydens dié kragmeting wat in Middelburg sal plaasvind.

Die Groepe: 

Groep A: Waterkloof, HTS Middelburg, Piet Retief.
Groep B: Menlopark, Eldoraigne, Ben Vorster.
Groep C: Transvalia, Oos-Moot, Hoërskool Middelburg.
Groep D: EG Jansen, Kempton Park, Hoërskool Nelspruit.

Die bepalings (tuisspanne eerste vermeld): 

10 Maart 2026 

Waterkloof vs HTS Middelburg
Transvalia vs Oos-Moot
EG Jansen vs Kempton Park

11 Maart 2026 

Eldoraigne vs Menlopark

14 Maart 2026 

HTS Middelburg vs Piet Retief
Menlopark vs Ben Vorster
Hoërskool Middelburg vs Transvalia
Hoërskool Nelspruit vs EG Jansen

21 Maart 2026 

Piet Retief vs Waterkloof
Ben Vorster vs Eldoraigne
Oos-Moot vs Hoërskool Middelburg
Kempton Park vs Hoërskool Nelspruit

• About
• Latest Posts

Hannes Nienaber

Hannes Nienaber covered schools' rugby in South Africa for Volksblad, Beeld, and Rapport for 11 years. He also created the biggest school rugby website in South Africa - School of Rugby - back in 2007. It eventually morphed into Supersport Schools Plus. He still occasionally milks cows.

Latest posts by Hannes Nienaber (see all)

• Klofies op soek na derde agtereenvolgende NWU Sportreeks-titel - 2026-02-16
• Athletics Rankings 2026 | Girls u19 - 2026-02-05
• Athletics Rankings 2026 | Girls u17 - 2026-02-05