Gimmies mik vir sesde Griffon-titel sedert 2015

Die vonke gaan behoorlik spat in die Griffon-eindstryd Saterdag op die Downtouch Investments-stadion in Welkom.

Welkom Gimnasium is die verdedigende kampioen, terwyl Voortrekker van Bethlehem sy derde agtereenvolgende verskyning in die eindstryd maak. Die eindstryd skop om 14:00 af.

Volg al die aksie regstreeks op SuperSport Schools (www.supersportschools.com).

Daar was nie veel tussen die twee spanne in hul ligawedstryd vroeër vanjaar te kies nie. Die span van Welkom het die kragmeting in Bethlehem met 26-24 gewen.

Die Trekkers het sy plek in die eindstryd met ‘n klinkende sege van 37-3 oor Witteberg bespreek. Dit nadat die Trekkers met 23-25 vroeër vanjaar teen sy aartsvyande die knie gebuig het. Die Gimmies het vir die Hoërskool Trio van Kroonstad met 35-7 in die ander halfeindstryd afgestof.

Die Gimmies se senterpaar, Joshua Coertzen en Jayden Weideman, sal weer ‘n rotsvaste vertoning op verdediging moet lewer indien hul span weer vanjaar die trofee omhoog wil hou. Die span se losskakel, Ronaldo Kiewiet, sal natuurlik sake vergemaklik indien hy op sy stukke is.

Kiewiet was verlede jaar die voorste puntemaker op die Cravenweek in George.

Voorlangs sal die Trekkers se aanslag deur sy SA Skole-vaskopstut, Cecil Parsons, gelei word. Parsons hou boonop ook daarvan om die bal onder die arm vas te knyp en etlike meters met sy stormramlopies te wen. Gimmies se afrigter, Roean Bezuidenhout, was Parsons se afrigter by vanjaar asook verlede jaar se Cravenweek. Só hy sal presies weet wat vandag op sy span voorlangs wag.

Voorlangs sal Gimmies se Ethan Jones (agtsteman) en Jayden Auld (slot) sleutelspelers vir hul span wees.

Welkom Gimnasium en Voortrekker het reeds met hul seges in die halfeindstryde hul plek in vanjaar se Kovsiestreek-kompetisie se Shimla-liga bespreek. Duineveld van Upington is reeds Griekwas se verteenwoordiger in dié liga, terwyl die wenner van die Vrystaatse A-liga ook tot die kompetisie se halfeindronde sal deurdring.

In die Vrystaatse eindstryd pak Jim Fouché en Landboudal van Jacobsdal mekaar.

Die spanne is: 

Welkom Gimnasium: 15 Leano Williams, 14 Dyllan Kemp, 13 Jayden Weideman, 12 Joshua Coertsen, 11 Bokang Lesenyeho, 10 Ronaldo Kiewiet, 9 Rewaldo Farmer, 8 Ethan Jones, 7 Ayden Bezuidenhout, 6 Rovaun van Niekerk, 5 Jayden Auld, 4 Diederik Beuken, 3 Ryan Lemmer, 2 Kganya Molapo, 1 Buchle Ngxabayi-Mpaka.

Voortrekker: 15 Tumi Khoza, 14 Karabelo Chaka, 13 Frederik Fourie, 12 Craig Mann, 11 Kamohelo Moses, 10 Adriaan Bonthuys, 9 Edre Wille, 8 Dawie Fourie, 7 Jayden de Jesus, 6 Berto van Niekerk, 5 Tristan Meyer, 4 Luttig Roux, 3 Cecil Parsons, 2 Arnold Ras, 1 Francois Maree.

Skeidsregter:

Ander eindstryde:

14:00 – o.19A – Welkom Gimnasium vs Voortrekker
12:30 – o.16A – Welkom Gimnasium vs Voortrekker
11:20 – o.19B – Welkom Gimnasium vs Voortrekker
10:10 – o.15A – Hoërskool Trio vs Voortrekker
09:00 – o.14A – Welkom Gimnasium vs Hoërskool Trio

Griffion-liga Eindstryde 1996-2023: 

• About
• Latest Posts

Hannes Nienaber

Hannes Nienaber covered schools' rugby in South Africa for Volksblad, Beeld, and Rapport for 11 years. He also created the biggest school rugby website in South Africa - School of Rugby - back in 2007. It eventually morphed into Supersport Schools Plus. He still occasionally milks cows.

Latest posts by Hannes Nienaber (see all)

• Bishops bags crucial victory over Boishaai in Schools SA20 - 2025-01-24
• Nini the Chief Destroyer of Samoa at the ICC u19 Women’s World Cup - 2025-01-20
• DBE Matric Results | Per School 2024 - 2025-01-16