Klofies die kampioene in Mbombela
Daar het Saterdag ‘n Blou Tornado in Mbombela in die Hoërskole Sewesreeks wat deur Bergvlam in die Mbombela-stadion aangebied is.
Waterkloof se Blou Tornado het koning gekraai deur die Hoërskool Nelspruit met 24-19 in die eindstryd te klop. Dit was van die begin af duidelik dat die twee spanne sake teen mekaar in die eindstryd sou uitspook.
Waterkloof het gemaklik met Rob Ferreira (35-0) in sy halfeindstryd afgereken, terwyl Nelspruit vir Lydenburg met 41-0 kaf gedraf het.
Klofies moes ook harder as Nelspruit in sy drie groepwedstryde werk. Die span van Pretoria het vir Bergvlam (29-10), Lydenburg (17-12) en Ferrum (17-7) geklop. Klofies se PJ Krugell is as die Speler van die Toernooi aangewys.
Nelspruit het Penryn College (40-12), Bergvlam II (59-0) en Rob Ferreira (43-12) in sy drie groepwedstryde verslaan.
Al die uitslae:
Groep A: Hoërskool Nelspruit 40, Penryn College 12; Rob Ferreira 59, Bergvlam II 0; Hoërskool Nelspruit 54, Bergvlam II 0; Rob Ferreira 34, Penryn College 7; Hoërskool Nelspruit 43, Rob Ferreira 12; Penryn College 26, Bergvlam II 0.
Groep B: Waterkloof 29, Bergvlam 10; Lydenburg 24, Ferrum 7; Waterkloof 17, Lydenburg 12; Ferrum 26, Bergvlam 5; Bergvlam 17, Lydenburg 12; Waterkloof 17, Ferrum 7.
Halfeindstryde – Bowl: Bergvlam 50, Penryn College 0; Ferrum 54, Bergvlam II 0. Beker: Hoërskool Nelspruit 41, Lydenburg 0; Waterkloof 35, Rob Ferreira 0.
Eindstryde – Skild: Penryn College 19, Bergvlam II 12. Bowl: Bergvlam 17, Ferrum 14. Plaat: Lydenburg 31, Rob Ferreira 17. Beker: Waterkloof 24, Hoërskool Nelspruit 19.
