Menlo-toernooi bied skolenetbal-skouspel
Vanjaar se Menlo-Netbaltoernooi was oudergewoonte ’n viering van spanwerk, uithouvermoë en ‘n passie vir die spel.
Met spanne van regoor Suid-Afrika wat op die Menlopark-bane saamgetrek het, was die gehalte van spel uitsonderlik en die gees tussen skole bewonderenswaardig. Elke span het gekom om hul merk te maak, en dit was duidelik van die heel eerste fluitjie af dat hierdie ’n netbalfees van hoogstaande gehalte sou lewer.
Gasheerskool, Menlopark, het twee spanne ingeskryf wat albei hul staal gewys het. Menlopark 1 het uithalerspel teen Diamantveld gelewer om met 29–13 te wen, met vernaam hul blitsige sirkulasie van die bal wat beïndruk het. Hoewel hulle teen ’n uiters sterk Durbanville-span vasgeval het met 20–28, het Parkies nietemin karakter getoon en aanhou veg tot die einde.
Benewens Menlopark, het verskeie ander spanne op die eerste dag van die toernooi hul teenwoordigheid bekendgemaak. Noordheuwel het ’n duidelike boodskap gestuur met ‘n sege van 28–14 oor Secunda, terwyl Bellville hul teenstanders, Randburg en Pretoria-Noord, met onderskeidelik 22–10 en 29–3 verslaan het.
Outeniqua het verbete vasberadenheid getoon teen Monument om met 28–27 as oorwinnaars te tree uit ’n stryd wat as een van die hoogtepunte van die dag beskou is. Dr.Malan het ewe briljant vertoon teen Potchefstroom Gimnasium, om met twee doele in die doodsnikke die pyp te rook met 23-21.
Helpmekaar het self hope karakter aan die dag gelê deur Oranje met 16–15 te klop in ’n naelbytstryd gelaai met spanning. Bloemhof het hulself as ’n krag in skolenetbal onderskei deur met sowel Edenvale (29–17) as Duineveld (25–17) klaar te speel, terwyl Paarl Gimnasium ook met gemak geseëvier het, onder andere met 35–12 oor Secunda.
Dag 1 van die Menlo-Netbaltoernooi het gesorg vir naelbyt-aksie, opskuddings en sterre wat hand opgesteek het. Met sulke uitslae as verwysingspunt, het die die res van die toernooi beloof om nóg heelwat vonke te laat spat.
Dag 1 | Uitslae
| Brackenfell | 26 | Wonderboom | 15 |
| DF Malan | 19 | Diamantveld | 19 |
| Dr Malan | 23 | Potch Gim | 21 |
| Oosterland | 16 | Pretoria Noord | 18 |
| Bellville | 22 | Randburg | 10 |
| Noordheuwel | 28 | Secunda | 14 |
| Linden | 13 | Middelburg | 15 |
| Leeuwenhof | 18 | Merensky | 16 |
| Alberton | 11 | Menlopark 2 | 26 |
| Ben Vorster | 20 | Drostdy | 10 |
| Hugenote | 14 | Northcliff | 20 |
| Merensky | 7 | Frans du Toit | 24 |
| Lydenburg | 13 | Swartland | 20 |
| Monnas | 27 | Outeniqua | 28 |
| Helpmekaar | 16 | Oranje | 15 |
| Durbanville | 28 | Menlopark 1 | 20 |
| Duineveld | 19 | Paarl Girls | 29 |
| Paarl Gim | 25 | Rand Park | 9 |
| Bloemhof | 29 | Edenvale | 17 |
| Hans Moore | 16 | Rhenish | 22 |
| Capricorn | 21 | Milnerton | 19 |
| Krugersdorp | 15 | Vredendal | 17 |
| Oranje 2 | 18 | Stellenbosch | 12 |
| Ermelo | 15 | Worcester Gim | 19 |
| Bellville | 29 | Pretoria Noord | 3 |
| Oosterland | 14 | Wonderboom | 11 |
| Frans du Toit | 15 | Menlopark 2 | 23 |
| Durbanville | 17 | Monnas | 17 |
| Krugersdorp | 15 | Stellenbosch | 19 |
| Secunda | 5 | Oranje 2 | 19 |
| Drostdy | 17 | Linden | 13 |
| Dr Malan | 15 | Outeniqua | 29 |
| Brackenfell | 24 | Lydenburg | 15 |
| Alberton | 14 | Worcester Gim | 18 |
| DF Malan | 21 | Randburg | 10 |
| Noordheuwel | 20 | Rand Park | 12 |
| Leeuwenhof | 14 | Swartland | 23 |
| Diamantveld | 13 | Menlopark 1 | 29 |
| Oranje | 25 | Potch Gim | 18 |
| Helpmekaar | 18 | Paarl Girls | 15 |
| Paarl Gim | 35 | Secunda | 12 |
| Bloemhof | 25 | Duineveld | 17 |
| Edenvale | 21 | Milnerton | 16 |
| Ermelo | 18 | Vredendal | 19 |
| Hans Moore | 17 | Middelburg | 14 |
| Capricorn | 20 | Hugenote | 14 |
| Merensky | 9 | Rhenish | 25 |
| Ben Vorster | 19 | Northcliff | 15 |
- Parkies se seisoen van glorie - 2025-10-06
- Nasionale erkenning vir Bayisa en Moloise weerspieël Middies se sukses - 2025-09-30
- Top-4 Rusties leef hul droom - 2025-09-29
