Vryburg skop Puk16 met reuse sege af
Die Hoërskool Vryburg se eerste rugbyspan was in ’n vernietigende bui in sy eerste kragmeting in vanjaar se Puk 16-reeks. Die verdedigende kampioen het Schweizer-Reneke met 94-5 geboelie. André Kock het vier van sy span se 13 drieë afgerond, terwyl Francois Pelser, heelagter, ook ’n driekuns behaal het.
BF van Staden, Vryburg se losskakel, kan ná afloop van die eerste week van die skolerugbyseisoen daarmee spog dat hy Suid-Afrika se voorste puntemaker is ná sy bydrae van 25 punte. Van Staden het een keer gaan druk en tien van sy span se drieë verdoel.
Wolmaransstad het vir ’n opskudding in dié groep gesorg toe hy Schoonspruit in Klerksdorp tot ’n gelykopuitslag van 27-elk gedwing het. Fanus Pieterse, Wollies se losskakel, het 17 punte bygedra. Schoonspruit het vinnig met 17-0 voorgeloop, maar die besoekers het nooit moed opgegee nie. Buiten Pieterse, verdien Dirkie Taljaard, skrumskakel, en Heini Coetzee, agtsteman, ook elk ’n klop op die skouer vir hul vertonings.
Pretoria-Noord en Delmas het hul aanslag met seges oor onderskeidelik Stoffberg (16-8) en Oosterland van Secunda (22-18) in Groep A afgeskop. Jeandré Nel, losskakel van Delmas, het een van sy span se drieë gedruk, twee daarvan verdoel en ook ’n skepdoel oorgeklits. Bekker van Magaliesburg het Overvaal met 38-14 die onderspit laat delf. In die ander Groep C-kragmeting was Fochville te sterk vir Alberton High. Fochies het die wedstryd met 50-10 gewen.
Bekker het vroeër in ’n vriendskaplike wedstryd teen Jan Viljoen met 29-19 die knie gebuig. Pionier van Vryheid het Ferrum met 17-7 in hul kragmeting geklop.
Lichtenburg het op sy tuisveld hom teen Noord-Kaap van Kimberley met 60-7 in ’n vriendskaplike kragmeting vasgeloop. Die span van die Diamantstad het die vorige week die Hoërskool Klerksdorp met 33-5 verslaan. HTS Middelburg het Transvalia Saterdag in ’n vriendskaplike wedstryd met 45-14 getroef.
Die Hoërskool Parys het in die hoofwedstryd van die Pieter Swanepoel Sportdag op Brandfort teen die gasheer, die Hoërskool Staatspresident Swart, met 28-16 vasgeval. Die Hoërskool Middelburg het Ermelo met 27-13 in hul vriendskaplike ontmoeting getroef.
Puntemakers:
PUKKE 16-REEKS:
Vryburg 94 (40): Drieë: André Kock (4), Francois Pelser (3), Joe van Huysteen (2), Kabelo Kenene, BF van Staden, Joubert Fourie, Wilco du Toit. Doelskoppe: BF van Staden (10). Schweizer-Reneke 5 (5): Drie: Lombard Joubert.
Wolmaransstad 27: Drieë: Fanus Pieterse, Heini Coetzee, Rickus Scholtz. Doelskoppe: Pieterse (3). Strafdoele: Pieterse (2). Schoonspruit 27.
Delmas 22: Drieë: Tiaan le Roux, Jeandré Nel, Franco Bekker. Doelskop: Nel (2). Skepdoel: Nel. Oosterland 18: Drieë: Petrus Ramolotsi, Gerrit Gouws, Jaco Rautenbach. Strafdoel: Dirk Coetzer.
Bekker 38: Drieë: Dirk Erlank, Ruvo du Preez, Sampie Bezuidenhout, JG Knoetze, Lance McGill, Clinton Dick. Doelskoppe: Ewald Oberholzer (4). Overvaal 14: Drieë: Gift Gamede, Johan Steyn. Doelskoppe: Marcel Maartens (2).
Ander eerstespanne: Fochville 50, Alberton High 10; Pretoria-Noord 16, Stoffberg 8; Pionier 17, Volksrust 7.
o.16: Volksrust 12, Pionier 10; Wolmaransstad 25, Schoonspruit 10; Delmas 38, Oosterland 0; Stoffberg 14, Pretoria-Noord 12; Overvaal 12, Bekker 7.
o.15: Pionier 17, Volksrust 15; Schoonspruit 27, Wolmaransstad 12; Oosterland 29, Delmas 0; Pretoria-Noord 29, Stoffberg 12; Bekker 15, Overvaal 7.
o.14: Pionier 33, Volksrust 3; Wolmaransstad 52, Schoonspruit 12; Oosterland 26, Delmas 0; Pretoria-Noord 36, Stoffberg 5; Overvaal 17, Bekker 12. )
VRIENDSKAPLIK:
Noord-Kaap 60: Drieë: Brandon de Melim (2), Cameron Hufke (2), Wilfred Bowers (2), Cleo Adams, Zayne Farmer, Gerhard Holtzhausen, Howard Lottering. Doelskoppe: Hufke (5). Lichtenburg 7: Drie: Jaco Lombaard. Doelskop: Lombaard.
HTS Middelburg 45: Drieë: Eric Basson (2), Ruan Ludick (2), Ruben Cross, Chrisjan Steynberg, Brandon Par-Bailey. Doelskoppe: Par-Bailey (5). Transvalia 14.
Hoërskool Middelburg 27: Drieë: Cyprian Nkomo (2) Telvin Mhlongo (2). Doelskoppe Chris Hanekom (2) Strafskoppe: Hanekom (2). Ermelo 13.
