Parkies kry Du Plessis aanwins vir 2026 rugby seisoen
Die 2026 skolerugby seisoen sal steeds vir die Johan du Plessis, beter bekend as “Duppie” in die Suid Afrikaanse skolerugby kringe, langs die veld as breier he.
Du Plessis sal na bewering by Die Hoërskool Menlopark aansluit waar hy as agterlyn afrigter betrokke sal wees. Du Plessis se paaie het ‘n paar weke gelede met dié van Hoërskool Garsfontein geskei.
Du Plessis was vir 16 jaar bretrokke by die Bere, ook sy alma mater, waarvan hy vir 11 jaar by die Bere se eerstespan diens gedoen het. Sy bedanking het as ‘n groot skok vir baie in die Garsie gemeenskap gekom.
Tydens dié 16 jaar, kon Du Plessis ‘n verstommende vyf keer die Noordvaal titel saam met sy span omhoog hou. Vroeër in 2025 het hy ook die eerste afrigter in die nuwe millenium geword om die Noordvaal reeks vir ‘n derde agtereenvolgende keer as breier in te palm. Sover bekend is Du Plessis ook die eerste eksterne skole-afrigter wat die troffee vir drie agtereenvolgende kere omhoog kon hou.
Die ander twee titels, alvorens dié, was saam met Tjaart van der Walt, in 2015 en 2016, wat tans die septor by Helpmekaar Kollege in Johannesburg swaai. Van der Walt is self een van die suksesvolste breiers in die Noordvaal. Dit was ook vanjaar dié twee wat in die Noordvaal se eindstryd ontmoet het.
Du Plessis se afrigtingspad het by Laerskool Louis Leipoldt in Centurion begin. In dié tyd was hy ook by Centurion Rugbyklub se Jeugklub betrokke. Sy eerste Hoërskole-rugby rol het gekom toe hy ses jaar later deur Hoërskool Centurion genader is om die o.14 span, en later, in 2004 en 2005, ook die eerstespan, wat die Stadsbeker verwower het, te brei. Die Garsie-pos het kort daarna gevolg.
Dit is alom bekend dat Du Plessis nie net ‘n uitstekende afrigter is nie, maar ook ‘n gawe het om met mense te werk, skynbaar weens sy beroep as ingenieur in die korporatiewe omgewing, waar hy met mense in spanverband werk. Die ervaringe wat hier opgedoen is, is iets wat ook deel van sy afrigtingfilosofie vorm.
Sý nuwe begin by die Parkies is beslis een wat fyn dopgehou sal word, maar ook ‘n reuse aanwins vir ‘n groep met genoeg talent om behoorlike opslae in die 2026 seisoen te maak.
- Parkies kry Du Plessis aanwins vir 2026 rugby seisoen - 2025-12-15
- Lions crowned CSA u16 Boys Week champions - 2025-12-15
- Standout individual performances highlight day four of CSA u16 Week - 2025-12-14
