SuperSport Schools Plus

SSS_logo_Rugby_rev2

Maritzburg College 150th Festival – Day 3

By Hannes Nienaber , in Rugby | News , at 2013-04-04 Tags:

Wedstryd 1: Afrikaanse Hoër Seunskool (Affies) vs Dale College, 51-0

Onweer het die dag se weersomstandighede beskryf soos wat albei spanne op gedraf het. Dit het egter nie sake in ‘n skopwedstryd verander nie soos Affies asemrowende hardlooprugby opgelewer het.

Dit het skaars vyf minute gevat vir Affies se senter, Marchant van den Heever om op die bord te kom na goeie volgehoue spel. Die doelskop was mis en Affies 5-0 voor.

Die manne van Pretoria het kort daarna weer agter die doellyn gaan kuier toe die hemelbesem slot, RG Snyman deur verdedigers gebars het om te gaan druk. Die doelskop was weer mis en die telling 10-0 vir Affies.

Affies se agtsteman, S. Van Huyssteen, het sy naam ook op die telbord gekry na ‘n goeie dryfmaalbeweging hom toegelaat het om te gaan druk. Affies 15 – Dale College 0.

Dale het nie antwoorde gehad vir Affies nie en Wit Bulle het dinge vir Dale baie moeilik gemaak met groot druk wat deurentyd op Dale se skrum en lynstane geplaas is.

Van Huyssteen het sy tweede gaan druk na nog ‘n dryfmaalbeweging om Affies 22-0 te laat voorloop na die skrumskakel, I. Van Zyl, verdoel het.

Net voor halftyd het die flank, G Foster, sy naam ook op die telbord toegevoeg met ‘n drie om die telling halftyd 27-0 te maak in Affies se guns. Die was ook die halftyd telling.

Die tweede helfte het begin soos wat die eerste helfde geëndig het. Affies se flank, Forster, het agter die doellyn gaan kuier na ‘n goeie beweging wat hom toelaat het om deur te hardloop. Marchant van den Heever het die twee punte met die skoen bygedra om die telling 34-0 in Affies se guns te maak.

D Venter, die Affies binnestenter, het ‘n groot gaping geslaan en 30m vir sy drie genael. Die doelskop was mis en die telling 39-0 vir Affies.

Venter het kort na sy eerste, sy tweede gaan druk om die wedstryd finaal weg te vat vanaf Dale College. Die doelskop deur van Zyl was suksesvol om die telling 46-0 te maak.

Affies het die finale spyker in Dale se kus geslaan toe die heelagter en man van die wedstryd, E. Keyter hakskene vir die verdedigers gewys het en gaan druk het. Die telling 51-0.

Die laaste paar minute het Dale alles in die spel gewerf om op die bord te kom, maar Affies se verdediging was rotsvas.

Wedstryd 2: Rondebosch vs Jeppe, 24-5

Die wedstryd het afgeskop met reën wat steeds geval het, maar Rondebosch het van vroeg af aanduidings gegee dat hul in Affies se voetspore wil volg en die bal hardloop.

Jeppe se agtsteman is met ‘n geelkaart afgestuur vir gevaarlike spel. Rondebosch het dadelik van die geleentheid gebruik gemaak en die flank, G. Geldenhuys het gaan druk  met die losskakel, T. Lee, wat verdoel het om die telling 7-0 te maak. Die losskakel van Rondebosch het sy span se voorsprong vergroot na 10-0 met ‘n strafskop reg voor die pale.

Van die afskop af het Rondebosch die bal verloor en Jeppe se regtervleuel, S. Nkosi, het dit opgepik en 40m gehardloop om te gaan druk. Die doelskop was mis en die telling 10-5 vir Rondebosch. Dit was ook die telling teen lemoentyd.

Rondebosch het die tweede helfte eerste op die bord gekom na ‘n trafskop deur die losskakel, T. Lee, om hul voorsprong na 13-5 te vergroot.

Die reën het na die skop opgeklaar met net ‘n kein windjie wat nog met die bewolkte weer gepaard gegaan het.

Lee het nog ‘n strafskoop bygevoeg om die telling 19-5 te maak.

Lee het die voorsprong vergroot met nog ‘n strafskop om die telling 16-5 te maak voor Rondebosch se heelagter, K. Ngcukana oorgeduik het in die hoekie na goeie spel deur die agterlyn. Die doelskop was mis en die telling 24-5 vir Rondebosch. Die telling so so bly tot die eindfluitjie.

 

 

Wedstryd 3: Grey High (PE) vs KwaZulu Natal Development XV, 69-0

Die KwaZulu Natal Development XV-span is vervang deur ‘n totaal nuwe span na die dood van een van die spelers Saterdag. Die spelker het in ‘n swembad verdrink na hul wedstryd teen Dale College.

Die wedstryd het afgeskop met Grey wat die bal uit alle posisies probeer hardloop het. Hulle het vroeg op die telbord gekom toe die heelagter, S Ebersohn, gaan druk he. K Vers het verdoel om die telling 7-0 te maak.

Kort daarna het Grey hul tweede gaan druk toe die flank,  L Dalla-Vecchia, agter die doellyn gaan kuier het.

Grey het goeie aanvallende spel ten toon gestel met ‘n KwaZulu Natal span waar dit duidelik was dat hulle oornag saamgestel is, met onnodige foute wat ingesluip het.

Grey het hul derde gaan druk toe die buitesenter, L Oosthuizen, gaan druk het om die telling 21-0 te maak na die doelskop deur Vers suksesvol was.

Dalla-Vecchia het oor gegaan vir nog ‘n drie soos wat die wedstryd heeltemal oopgegaan het. Die doelskop was mis en die telling 26-0.

M Lombard het ook gaan druk na goeie spel om die telling 33-0 te maak.

Nog twee drieë deur Dalla-Vecchia en Ebersohn het die telling teen halftyd 45-0 gemaak.

Die tweede helfte het begin met verskeie hanteerfoute op die doellyn van die KwaZulu Natal-span. Dit het byna 15 minute geneem voor Grey High in die tweede helfte kon gaan druk het. Die KwaZulu Natal span het ook beter verdedig aan die begin van die tweede helfte.

Die eerste drie van die tweede helfte het aan M Groenewald behoort, met Vers wat weer verdoel het om die telling 52-0 te maak. Kort na die drie het die B Cafu, die plaasveranger, ‘n goeie lopie ingesit om in die hoekie te gaan kuier. Die doelskop was mis en die telling 57-0 vir Grey High.

Drieë deur Cafu en R Stevens het die eindtelling tot 69-0 gebring.

 

Wedstryd 4: Monument vs Noord-Kaap, 21-3

Die wedstryd het voor die afskop al die potensiaal gehad om ‘n klipharde wedstryd te wees en dis presies hoe dit omskryf kan word.

Met reën wat albei spanne gereeld hanteer foute laat maak het kon geen span die oorhand oor die ander ene kry in die eerste helfte nie.
Monument het oortree en dit het aan Noord-Kaap se buitesenter, D Tieties, die kans gegee om sy span voor te sit. Sy strafskop was suksesvol en Noord-Kaap 3-0 voor.

Die res van die eerste helfte was ‘n skopkompeties met albei spanne wat gereeld besit weg geskop het. Die telling het tot halftyd dieselfde gebly.

Die tweede helfte het begin met Monument wat baie druk op Noord-Kaap geplaas het. Na verskeie strafskoppe het die stut, F van Wyk, gaan druk na ‘n tikskoppie geneem is. Die binnesenter, G van der Walt, het verdoel om Monument net-net 7-3 laat voor loop het.

Monument se binnesenter het ‘n bal afgejaag na ‘n Noord-Kaap speler dit geskop het. ‘n Paar fases later het Monnas se flank, D Vlok gaan druk met Van der Walt wat verdoel het om die telling 14-3 te maak in Monnas se guns.

Noord-Kaap het ‘n gruime tyd in Monnas se halfte spandeer, maar kon nie punte aanteken nie. Monnas se verdediging was stewig.
Reg voor die einfluitjie het Noord-Kaap ‘n guldige geleentheid gekry om punte aan te teken, maar kon nie die bal vashou nie. Die bal is deurgeskop deur Monnas en van die daaropvolgende fases het Monument hul laaste drie gaan druk.

Eindtelling: 21-3 in Monument se guns

 

 

Wedstryd 5: Queens College vs Maritzburg College, 34-23

Die laaste wedstryd van die toernooi het die gasheerskool teen Queen’s College te staan sien kom.

Die wedstryd is begin met Queen’s College wat dadelik baie druk op Maritzburg gesit het. Dit het veroorsaak dat die regtervleuel ‘n gaping slaan en die heelagter, S Zaula, in die hoekie gestuur het vir ‘n drie. Die doelskop was mis en Queen’s 5-0 voor.

Queen’s College se heelagter, het verstommende vaart gewys soos wat hy verskeie spelers gesystap het en goed 70m genael het om onder die pale te gaan kuier vir sy tweede. Die drie is verdoel om die telling 12-0 te maak.

Maritzburg het op die bord gekom deur middel van ‘n strafskop deur die losskakel, J Koekemoer. Die telling 12-3.

Queen’s se heelagter wat die wedtryd van sy lewe gespeel  het, het sy derde gaan druk na nog ‘n individuele poging waar hy reg deur die Maritzburg-span gehardloop het. Die doelskop was suksesvol en die telling teen halftyd 19-3 vir Queen’s College

Die tweede helfte het Maritzburg baie beter begin speel hoewel Queen’s se verdediging hul gekeer het.

Maritzburg is vir hul spel beloon toe die flank, D Goodsen, gaan druk het om sy span nader te bring. Die doelskop was suksesvol en die telling 19-10 vir Queen’s .

Maritzburg het nog nader gekruip deur ‘n strafskop vanaf die losskakel, Koekemoer om die telling 19-13 te maak.

Queen’s het hul eerste punte van die helfte gekry deur ‘n strafskop van die losskakel, D de Wet. Om die telling 22-13 te maak.
Maritzburg het terug geslaan met ‘n drie deur R le Roux. Die doelskop was mis en die telling 22-18.

Die wedstryd is buite Maritzburg se bereik gesit toe Queen’s se skrumskakel, K Gibb in die hoekie gaan druk het. Die drie is verdoel deur De Wet en die telling 27-18 met 5 minute oor.

Queen’s se spoedige vleuel, J Danquah, het ‘n briljante skop opgevolg wat agter die verdedigers geplaas was en sy eerste gaan druk om die telling 34-18 te maak.

Maritzburg het egter die laaste sê gehad toe die flank, R le Roux, weer gaan druk het. Die doelskop was mis, maar dit was te laat.

Die eindfluitjie blaas en Queen’s College wen 34-23.

error: Sorry ol' chap, those shenanigans are not permissible.