Grey-kollege skop seisoen af op Steyners se sportdag
Die Hoërskool President Steyn bied op Saterdag, 25 Februarie sy jaarlikse Hester van der Walt Sportdag aan.
Dit is die 30ste keer wat dié sportdag aangebied word en sal ook vanjaar die skolerugbyseisoen in die Vrystaat afskop.
In die hoofwedstryd van die dag kom die Steyners op Gonval Store-park teen Wessel Maree van Odendaalsrus te staan. Die gasheer het verlede jaar vir die Hoërskool Bultfontein met 15-5 in die hoofwedstryd verslaan.
Die wedstryd wat egter die skare gaan lok is die kragmeting tussen Grey-kollege en Hoërskool Trio.
Grey het verlede jaar soos gebruiklik weer onder die voorste skolespanne in Suid-Afrika getel, terwyl Trio in sy eerste seisoen vriend en vyand verras het deur as die Griffon-liga asook die Kovsiestreekkompetisie se Shimla-liga se kampioen gekroon te word.
Dit sal ook dus die eerste keer wees dat die twee skole mekaar op die rugbyveld ontmoet.
Fichardtpark wat ook ‘n goeie seisoen in 2022 beleef het sal behoorlik deur Wesvalia tydens die sportdag getoets word. Wesvalia het ‘n appeltjie met die Fichies te skil na hy verlede jaar met 29-3 behoorlik die loef afgesteek is.
Jim Fouché van Bloemfontein sal sy seisoen teen Hentie Cilliers van Virginia afskop. JF het verlede jaar ook ‘n goeie seisoen beleef en sal vanjaar weer sy stem in die Vrystaat wil dikmaak.
Die bepalings:
Gonval Store-park
17:20 – President Steyn vs Wessel Maree
16:10 – Grey-kollege vs Hoërskool Trio
15:00 – Brandfort vs Riebeeckstad
13:50 – Fichardtpark vs Wesvalia
12:40 – Louis Botha vs Cherries
11:30 – Jim Fouché vs Hentie Cilliers
10:20 – Sand du Plessis vs Bultfontein
09:10 – Hendrik Potgieter vs Ladybrand
08:00 – Fichardtpark II vs Peaches
B-veld
16:20 – o.14 – Jim Fouché vs Hentie Cilliers
15:25 – o.16 – Fichardtpark vs Wesvalia
14:30 – o.15 – Jim Fouché vs Hentie Cilliers
13:35 – o.16 – Jim Fouché vs Hentie Cilliers
12:40 – o.16 – Zastron vs Ficksburg
11:45 – o.19 – Zastron vs Ficksburg
10:45 – o.19 – Marquard vs Sentraal III
09:35 – o.16 – Grey-kollege vs Trio
08:40 – o.15 – Brandfort vs Riebeeckstad
07:45 – o.16 – Brandfort vs Riebeeckstad
