Beeld Noordvaal Trofee Uitslae – 8 Augustus 2015

Die makro- én grootskole-afdelings van vanjaar se Beeldtrofee sal nuwe kampioene hê.

Dít volg nadat die Hoërskool Nelspruit se Rhinos (die verdedigende makroskole-kampioen) en die Hoërskool Klerksdorp (grootskole-kampioen) albei gister in die kwarteindronde van die reeks uitgeskakel is.

Nelspruit het in Pretoria met 48-36 teen Garsfontein in die stof gebyt.

Garsies is boonop die enigste span van Pretoria wat in die halfeindronde in aksie sal wees. Hulle was verlede jaar die naaswenner.

Dit volg nadat Eldoraigne, Menlopark en Waterkloof almal op hul tuisvelde vasgeval het.

Monument van Krugersdorp moes hard werk om Eldoraigne met 26-24 tot oorgawe te dwing. Monnas se slot Ruan Vermaak was uitstekend en het in die vastelos gewoel.

EG Jansen van Boksburg moes ook sweet om Waterkloof met 26-22 uit te skakel.

Die span van Boksburg sal in die halfeindronde teen die HTS Middelburg se Rooi Bulle te staan kom. Die Rooi Bulle het hul plek in die halfeindronde met ’n sege van 33-18 oor Menlopark bespreek.

■ Ook Klerksdorp (KHS) het in die hoofstad sy rieme teen Oos-Moot styfgeloop.

Oos-Moot sal nou in sy halfeind met Helpmekaar-kollege swaarde kruis.

Die Johannesburgers het op hul beurt die Hoërskool Pietersburg in Polokwane met 32-20 kafgedraf om hul plek tussen die laaste vier te bespreek.

■ Ben Vorster van Tzaneen sal vanjaar nie maklik op sy tuisveld getroef word nie. Hy het die Leeus se kampioen, Randburg, met 48-25 geklop. Potchefstroom Gimnasium is die volgende span wat sal probeer om hom te stuit, nadat Gimmies vir Heidelberg Volkskool met 27-23 in die kwarteindronde uitgeskakel het.

■ In die afdeling vir me­diumskole het die verdedigende kampioen en die oorweldigende gunsteling, die Hoërskool Vryburg, byna slae gekry.

Die span het in Brakpan met 10-10 teen Stoffberg gelykop gespeel en het tot die volgende ronde deurgedring omdat hy die eerste drie in dié kragmeting gedruk het.

Vryburg sal vir die halfeind na Potgietersrus moet reis, waar Piet Potgieter wag. Potties het Trinityhouse met 37-25 verslaan.

■ Ben Viljoen was in ’n taai stryd teen Brandwag van Benoni met 22-17 baas. Hy sal in die halfeindronde met Midstream College te doen kry.

Al die uitslae:

• About
• Latest Posts

Hannes Nienaber

Hannes Nienaber covered schools' rugby in South Africa for Volksblad, Beeld, and Rapport for 11 years. He also created the biggest school rugby website in South Africa - School of Rugby - back in 2007. It eventually morphed into Supersport Schools Plus. He still occasionally milks cows.

Latest posts by Hannes Nienaber (see all)

• Nuwe SA Skole-voorsitter word vandag in die Kaap verkies - 2025-10-27
• Champions Garsfontein begin Wildeklawer Diamantveld T20 campaign in style - 2025-10-17
• u17 Interprovincial Sevens tournament heating up on Day 2 - 2025-10-11