Al Saterdag se uitslae van die Wildeklawer Juniortoernooi
Paarl Gimnasium se junior-spanne het Saterdag in Kimberle teen Waterkloof op die jaarlikse Wildeklawer-juniortoernooi ‘n goeie dag op kantoor, behalwe in sy o.16-wedstryd beleef.
Klofies se o.16-span het sy eweknie van Gimmies met 32-3 afgeransel. Die skool van die Paarl se o.15- en o.14-span was onderskeidelik met 26-10 en 59-3 baas.
Die Hoër Jongenskool Paarl en Monument van Krugersdorp se o.16-spanne was in ‘n titaniese stryd gewikkel. Boishaai het uiteindelik met 17-10 as oorwinnaars van die veld gestap.
Die skool van die Paarl se o.15-span het gerieflik met 21-7 teen Monnas geseëvier. In die o.14-wedstryd het Monnas met 17-14 die pyp gerook.
Diamantveld se o.16-span het teen sy eweknie van HTS Middelburg (7-17) vasgeval. Diamonds se o.14-span het die Rooi Kalfies met 24-14 getroef, terwyl die gasheer in die o.15-wedstryd oortuigend met 38-0 die septer geswaai het.
Menlopark wat self ‘n paar gedugte juniorspanne in die veld stoot het vir Duineveld in die o.16-wedstryd met 31-12 geklop. Menlopark het sonder veel probleme die o.15-wedstryd tussen die twee spanne met 50-8 gewen. In die o.14-wedstryd het Menlopark met 71-0 amok gesaai.
Grey-kollege se o.16-span het Helpmekaar-kollege met 45-6 verslaan. Helpies se o.15-span het sy staal getoon deur Grey met 24-21 te troef. In die o.14-wedstryd het Grey op ‘n drafstap met 20-0 gewen.
Al die uitslae:
o.16
| Waterkloof | 32 | Paarl Gimnasium | 3 |
| HTS Middelburg | 17 | Diamantveld | 7 |
| Grey College | 45 | Helpmekaar | 6 |
| Stellenberg | 22 | EG Jansen | 0 |
| Glenwood | 24 | Garsfontein | 20 |
| Affies | 32 | HTS Drostdy | 27 |
| Menlopark | 31 | Duineveld | 12 |
| Paarl Boys’ High | 17 | Monument | 10 |
o.15:
| Paarl Gimnasium | 26 | Waterkloof | 10 |
| Diamantveld | 38 | HTS Middelburg | 0 |
| Helpmekaar | 24 | Grey College | 21 |
| Affies | 16 | HTS Drostdy | 13 |
| Glenwood | 26 | Garsfontein | 12 |
| EG Jansen | 36 | Stellenberg | 22 |
| Menlopark | 50 | Duineveld | 8 |
| Paarl Boys’ High | 21 | Monument | 7 |
o.14
| Paarl Gimnasium | 59 | Waterkloof | 3 |
| Diamantveld | 24 | HTS Middelburg | 14 |
| Grey College | 20 | Helpmekaar | 0 |
| Stellenberg | 42 | EG Jansen | 17 |
| Glenwood | 45 | Garsfontein | 0 |
| Affies | 18 | HTS Drostdy | 7 |
| Menlopark | 71 | Duineveld | 0 |
| Monument | 17 | Paarl Boys’ High | 14 |
