Absa Wildeklawer vir o.13-spanne skop vandag in die Diamantstad af
Die eerste dag van die Absa Wildeklawer o.13-toernooi beloof om reeds vir heelwat opwinding op Laerskool Newton se hoofveld, Boeta Dippenaar-park, in Kimberley te sorg.
Die hoofwedstryd van die eerste dag word om 19:00 tussen Grey-kollege van Bloemfontein en Penzance van Durban beslis.
Die span van die Rosestad het vroeër vanjaar in die eindstryd van die Top Lay Super Series vir Paarl Gimnasium met 17-10 verslaan. Hy het wel onlangs sy rieme met 14-15 teen Bastion van Brackenfell styfgeloop.
Slegs die eerste dag van die toernooi se bepalings is uitgesit met die volgende twee dae se wedstryde wat na elke dag se wedstryde uiteengesit sal word.
Bastion is ook in Kimberley in aksie en sal op die eerste dag sy staal teen Laerskool Vastrap van Rustenburg uitspook. Vastrap is tradisioneel een van die beste skolespanne in die Noordwes.
Nog twee spanne vanuit die Luiperds – Laerskool Saamtrek van Klerksdorp asook Laerskool Rustenburg sal ook in die Diamantstad in aksie wees. Saamtrek kom teen Gene Louw van Durbanville te staan, terwyl Rustenburg teen die gasheer, Newton, in aksie sal wees.
Vanjaar se toernooi het ook heelwat meer spanne wat in aksie is. Die Oostelike Provinsie se sterkste rugbyskool, Sunridge Primary van Gqeberha, kom teen die nuwe kampioen van die Super 12-reeks, Laerskool Helderkruin van Krugersdorp, te staan.
Laerskool Durbanville se kragmeting teen die Laerskool Garsfontein beloof ook om een van die hoogtepunte van die eerste dag te wees.
Al die bepalings asook direkte skakels tot die SuperSport Schools uitsendings:
| nt_header_1 | nt_header_2 | nt_header_3 | nt_header_4 | nt_header_5 |
|---|---|---|---|---|
| 19:00 | Grey College | vs | Penzance | WATCH LIVE |
| 18:00 | Outeniqua | vs | Randhart | WATCH LIVE |
| 17:00 | Durbanville | vs | Garsfontein | WATCH LIVE |
| 16:00 | Gene Louw | vs | Saamtrek | WATCH LIVE |
| 15:00 | Eikestad | vs | Impala | WATCH LIVE |
| 14:00 | Bastion | vs | Vastrap | WATCH LIVE |
| 13:00 | Van Riebeeckstrand | vs | Pietersburg-Oos | WATCH LIVE |
| 12:00 | Worcester | vs | Nelspruit | WATCH LIVE |
| 11:00 | Newton | vs | Rustenburg | WATCH LIVE |
| 10:00 | Kenmare | vs | Op die Voorpos | WATCH LIVE |
| 09:00 | Sunridge | vs | Helderkruin | WATCH LIVE |
| 08:00 | Kobus Wiese XV-tal | vs | Tygerpoort | WATCH LIVE |
- Grey College favourites once again to be crowned Champion of Champions - 2025-09-19
- RUGBY | Grey College – 2025 - 2025-09-18
- Witwarm Wilgies sal Prieska se Gadeija moet hokslaan - 2025-08-30
