Wilgerivier mik na derde agtereenvolgende Oos-Vrystaat titel
FRANKFORT. – Die eerste rugbyspan van die Hoërskool Wilgerivier mik vandag daarna om vir die derde agtereenvolgende jaar as kampioen van die Oos-Vrystaatse liga gekroon te word. Die tuisspan sal vandag ongetwyfeld agter sy kaptein en agtsteman De Wet Ungerer as gunsteling teen Vrede op die veld draf.
Die span van Frankfort was in die twee spanne se laaste ses kragmetings aan die wenkant. Vrede se laaste oorwinning oor Wilgerivier was reeds in die eindstryd van die Oos-Vrystaat in 2010. Vrede wat daardie jaar ook as kampioen van die Griffons se plattelandse liga gekroon is het toe ook in die twee spanne se liga-wedstryd vroeër 3-22 die onderspit gedelf.
Vrede se span van 2010 was egter sy beste span sedert sy span van 1994 wat as kampioen van die Vrystaatse Direkteurs-trofee gekroon is. Dié span het toekomstige Cheetah-spelers soos Boela du Plooy en Anton Pitout in sy geledere gehad.
Wilgerivier se flank Gerrie Muller sal saam met sy kaptein voorlangs die vuur stook. Vrede se senters, Johan Esterhuizen en Mark Cockroft, behoort staatmakers vir hulle span te wees.
Bothaville is die gunsteling om more as kampioen van die Sandveld-liga gekroon te word. Hy kom in die Noordwes-stadion in Welkom in die eindstryd teen Hennenman te staan. Die kragmeting wat om 13:00 afskop is die vernaamste voorwedstryd vir die Curriebeker-wedstryd tussen die Griffons en die Luiperds.
Bothaville het in die spanne se twee liga-wedstryde onderskeidelik 56-5 en 62-0 oortuigend as oorwinnaars van die veld gestap. Hoewel Hennenman verlede week ‘n reuse opskudding veroorsaak het toe hy Riebeeckstad 20-17 in die halfeindstryd geklop het, na hy in die twee spanne se laaste liga-wedstryd aan die ontvangkant van ‘n loesing van 30-0 was. Sal ‘n oorwinning oor Bothaville
Bothaville se Cravenweek-senter, Wessel Hefer is sy span se sleutelspeler saam met die losskakel Juandré Kleynhans. Hennenman se skrumskakel, Marco Pretorius sal fyn dopgehou moet word.
Die spanne is:
Wilgerivier: Willem Coetzee, Brian Piek, Jacques van Rensburg, SF Meyer, Ricardo Frade, Pieter Duminy, Gerhard van Rensburg, De Wet Ungerer, Gerrie Muller, Manie Swart, Eric Bibbey, MJ Lourens, Dana Janse van Rensburg, Fanna Venter, Guillaume Strydom.
Vrede: Stefan de Villiers, Marius Broodryk, Johan Esterhuizen, Mark Cockroft, Athur Longuera, Johan Loock, Abrie Wessels, Tabas Podges, Jason Bloem, Heinn Lombard, JP Burger, Charl du Toit, JS de Villiers, Koos Prinsloo, Keanu Waters.
![Charlie Hofmeyr u16 - 2018 [captained by Cameron Hanekom]](https://ssschoolsplus.co.za/wp-content/uploads/2024/11/WhatsApp-Image-2024-11-20-at-09.03.03-400x257.jpeg)
