Stassen held in EG Jansen sege oor Menlopark
Die verdedigende rugbykampioen van die Beeldtrofee vir makroskole, EG Jansen van Boksburg, moes Saterdag hard werk om Menlopark met 31-24 die onderspit te laat delf. Pennypinchers en Timbercity is medeborge van dié reeks.
’n Drie deur deur sy slot Hendré Stassen ná hy vanaf ’n rolmaalbeweging weggebars het, het aan sy span die sege besorg. Stassen het met ’n uitstaande vertoning weer die vraag laat opkom oor hoekom hy nie in die Suid-Afrikaanse skole-span ingesluit is nie?
Hy was in die lynstane sowel as in die vastelos uitstekend. Die manne van Menlopark het wel daarin geslaag om onder sy vel in te kruip.
Menlopark se pak voorspelers het EG Jansen probleme voorlangs besorg. Veral die haker, Junqo Hennings, flank Marco Sauer en agtsteman Willem Hofmeyr het inklimspel voorlangs opgedis.
Die span se binnesenter Wayne van der Bank het met sy tweede drie wat deur die losskakel Marco Dönges verdoel is die telling op 24 elk laat in die tweede helfte gebring.
Indien die telling so gebly het sou Menlopark tot die halfeindstryd deurgedring het.
EG Jansen kon steeds ’n hele paar keer spasie op die punte skep en sy heelagter, Martin van Wyk, het ’n hele paar belowende lopies ingekry. Die span se losskakel Forrest Roos en senter Delano Kotze verdien ook elk ’n klop op die skouer vir hul vertonings in die wedstryd.
Die span van die Jakarandastad se heelagter Walter Groenewald kan self vandag breëbors rondloop.
Garsfontein het ’n afspraak met EG Jansen vir die halfeindstryd opgesit deur Centurion met 42-24 die loef af te steek.
JP Wegner, Garsies-losskakel, het op al vier moontlike maniere punte in die kragmeting aangeteken.
Wegner het 21 punte via ’n drie, vyf doelskoppe, ’n strafdoel en ’n skepdoel aangeteken.
Voorlangs was die flank Ruan Ackermann en slot Le Roux Roets uitstaande. Hulle het die bal goed gedra.
Vir Woeries het sy losskakel Hendrik Mulder met sy taktiese skopwerk in die wedstryd beïndruk.
Hy het ook met vyf van sy sewe pogings na die pale geslaag. Cornel Jacobs, agtsteman, het voorlangs weer ’n skittervertoning gelewer.
Puntemakers:
MAKROSKOLE
EG Jansen 31 (14): Drieë: Erich Cronjé, Delano Kotze, Charl Barhuizen, Hendré Stassen. Doelskoppe: Kotze (4). Strafdoel: Kotze. Menlopark 24 (12): Drieë: Wayne van der Bank (2), Ruan Goosen, Marco Sauer. Doelskoppe: Marco Dönges (2).
Garsfontein 42 (21): Drieë: Franco Naudé, JP Wegner, Jan-Henning Campher, Shakeel Fredericks, PJ Toerien. Doelskoppe: Wegner (5). Strafdoel: Wegner. Skepdoel: Wegner. Centurion 24 (12): Drieë: Lee-moné Stander (2). Doelskop: Hendrik Mulder. Strafdoele: Mulder (4).
Monument 25 (15): Drieë: Gavin Delport (2), Len Massyn. Doelskoppe: Wikus van Biljon (2). Strafdoele: Van Biljon (2). HTS Middelburg 5 (5): Drie: Brandon Par-Bailey.
Hoërskool Nelspruit 33 (15): Wynand Visser, Nico van Rooyen, Georg Muller, Wiehan Steyn. Doelskoppe: Wessel Muller (2). Strafdoele: Wessel Muller (3). Hoërskool Kemptonpark 29 (16): Drieë: Hanno van Tonder, Daniël Terblanche. Doelskoppe: Marnus Gruber (2). Strafdoele: Gruber (5).
o.16: EG Jansen 12, Waterkloof 10; Garsfontein 24, Nelspruit 17; Monnas 19, Vereeniging Gimnasium 0; Menlopark 23, Florisda 12.
o.15: EG Jansen 23, Eldoraigne 17; HTS Middelburg 25, Garsfontein 3; Monnas 29, Nelspruit 11; Menlopark 29, Waterkloof 7.
o.14: Garsfontein 34, EG Jansen 5; Nelspruit 13, Kempton Park 13; Monnas 45, Hoërskool Middelburg 7; Menlopark 38, Florida 0.
) GROOTSKOLE
Hoërskool Klerksdorp 6: Strafdoele: Eric Hough (2). Oos-Moot 3: Strafdoel: Jean-Pierre Bester.
Standerton 47: Drieë: Dannny Myburgh (2), Mfundo Ndlovu (2), Ian Joubert, Quinton Lombaard. Doelskoppe: Riaan Groenwald (2), JP de Klerk (2). Strafdoele: Groenewald (2), JP de Klerk. Hugenote (Springs) 28.
Hoërskool Tuine 21 (14): Drieë: Jeandré Rossouw (2), Willie Goss. Doelskoppe: Eugene Maree (3). Helpmekaar 18 (15): Drieë: Anlo van Wyk (2). Doelskop: Justin Taylor. Strafdoele: Gihard Visagie, Taylor.
Eerstespanne: Transvalia 29, Pietersburg 18.
o.16: Pietersburg 33, Piet Retief 7; Potch Volkies 27, Linden 13; Oos-Moot teen Helpmekaar 24, Oos-Moot 8; Ben Vorster 53, Ermelo 12
o.15: Ben Vorster 19, Hugenote 14; Lichtenburg 38, Tuine 0; Helpmekaar 29, Oos-Moot 0; Hoogenhout teen Transvalia 22, Hoogenhout 10.
o.14: Frikkie Meyer 7, Hugenote 3; Randburg 31, Potch Gimmies 10; Oos-Moot teen Helpmekaar 18, Oos-Moot 13; Ben Vorster 44, Secunda 0.
) MEDIUMSKOLE
Hoërskool Vryburg 34: Drieë: Francois Pelser, Johan Pelser, Joe van Huysteen, Brendan van Zyl, Rico Markram, Tiaan van Zyl. Doelskoppe: BF van Staden (2). Bekker 12: Drieë: Marius Fouché, Martin Annandale. Doelskop: Henning Buitendag.
Hans Strijdom 17: Drieë: Pierre Janse van Vuuren, Pieter Oosthuizen, Conrad Engelbrecht. Doelskop: Engelbrecht. Stoffberg 10: Drie: Charles Ras. Doelskop: Andries Kruger. Strafdoel: Kruger.
Wesvalia 26 (5): Drieë: Lu-andré Swanepoel (2), Richard Bowyer, Machiel Buitendag. Doelskoppe: Tobie du Preez (3). Die Wilgers 5 (5).
Brandwag (Benoni) 41 (12): Lian Steynsburg (3), Charles Eastes, Reinhard Bezuidenhout, Marko Roets. Doelskoppe: Corné van der Linde (4). Strafdoel: Van der Linde. Barberton 7 (0).
o.16: Ellisras 39, Penryn College 20 ; Vryburg 41, Leeuwenhof 7; Bekker 15, Erasmus 12; Ben Viljoen 54, Kanonkop 7.
o.15: Ben Viljoen 24, HTS Sasolburg 5; Wesvalia 23, Trinity House College 8; Midstream College 12, Vryburg 0; Overvaal 27, Kanonkop 5.
o.14: Ellisras 46, Brandwag 5; Wesvalia 26, Erasmus 20; Midstream College 17, HTS Rustenburg 7; Ben Viljoen 53, Barberton 0.
) KLEINSKOLE
Eerste spanne: Koster 35, Curro Hazeldean 12; Curro Heuwelkruin 32, Morgenzon 32; Heilbron 36, Komatipoort 18
o.15: Curro Heuwelkruin 61, Carolina 0: Zeerust 33, Curro Hazeldene 17; Komatipoort 19, Balfour 7
) MIDDELSKOLE
Eerste spanne: Belvedere 60, Northern Academy 5; Cullinan 19, Roodepoort 15; Parys 24, Bergvlam 16. o.16: Parys 27, Northern Academy 5; Roodepoort 27, Cullinan 0; Bergvlam 14, Voortrekker 3. o.15: Lowveld High 19, Belvedere 10. o.14: Alan Glen 16, Cullinan 6; Bergvlam 22, Belvedere 0.
) VRIENDSKAPLIK
Affies 34: Drieë: DP du Plessis (2), Rohan Roelofse, Gavin Foster, Eduan Keyter. Doelskoppe: Eddie Fouché (3). Strafdoel: Fouché. Pretoria Boys’ High 26.
Jeppe Boys’ High 12: S’busiso Nkosi (2). Doelskop: Sibusiso Mngomezulu. Parktown Boys’ High 6.
