SuperSport Schools Plus

Preview – Vrystaat vs. Griekwas

By Hannes Nienaber , in Rugby | News , at 2014-06-14

Die o.18-rugbyspanne van Vrystaat en Griekwaland-Wes sal mekaar Saterdag op Grey-kollege se hoofveld mekaar die eerste keer sedert 2007 die stryd aansê.

Dié kragmeting is die hoofwedstryd van die jaarlikse Vrystaatse Bondedag.

Belangrik om krag te meet voor Cravenweek

Hoewel dit nie ’n vereiste is om ’n suksesvolle Cravenweek te hê nie, behoort dit die Poubloues goed te doen om hulle krag voor die toernooi behoorlik deur die Vrystaters te laat toets.

Sedert die span nie meer jaarliks voor die toernooi teen Vrystaat bots nie kon hy slegs ’n wenpersentasie van 50% op die toernooi handhaaf. Dit terwyl die unie se grootste krag op skolevlak, Hoërskool Noord-Kaap, in hierdie tydperk nie in die Kovsiestreek-kompetisie se Shimla-liga geklop is nie. Vrystaat het die kragmeting tussen die twee spanne in 2007 met 39-5 gewen.

Hiers spoed!

Die plaasvervanger-vleuel van die Vrystaat, Llewellyn Hein, sal waarskynlik die vinnigste speler word wat nog ooit op die Cravenweek in aksie was.

Toe hy twee jaar gelede as deel van die Suid-Afrikaanse o.16-oefengroep deur Saru getoets is, het hy die 40 m van ’n stilstaande wegspring in ’n ongelooflike 4.60 sekondes afgeblits. Dit is vinniger as die vinnigste Springbok, Bryan Habana (4.66) wat ooit getoets is.

Op internasionale vlak is dit slegs Sosene Anesi van Nieu-Seeland wat met ’n beter tyd as Hein spog. Hein se vinnigste tyd oor die 100 m en 200 m is onderskeidelik 10.46 en 21.06 sekondes. Daar is wel bronne wat Jongi Nokwe se tyd oor die 40 m as 4.40 sekondes aandui, maar dit kon nie bevestig word nie.

Steenkamp se X-faktor

Die Vrystaters se heelagter, Louwtjie Steenkamp, het vroeër vanjaar in twee wedstryde 57 punte aangeteken. Hy het teen Hoërskool Klerksdorp en Duineveld onderskeidelik 31 en 26 punte aangeteken.

Steenkamp het verlede jaar vir Griekwas se o.16-span gespeel wat sy teenstanders van vandag Boan Venter, Gerco Nortjé en Daniello Huyster ingesluit het.

Andrade vs. Holtzhausen

Die stryd in die middelveld tussen Mike Andrade (Vrystaat) en Gerhard Holthzausen (Griekwas) behoort een van die hoogtepunte te wees.

Andrade wat in 2012 in die nasionale o.16-groep was, speel steeds om sy plek op die bus na die Cravenweek te bevestig. Hy het vanjaar van spelskepper tot ’n meer fisieke speler verander.

Holtzhausen het verlede jaar die Poubloues op die Cravenweek in Polokwane as agtsteman verteenwoordig. Hy het vanjaar na senter verskuif en was ook deel van die nasionale skolesewes-groep.

Die spanne is:

Vrystaat: Louwtjie Steenkamp, Patrick Mbangi, Niell Stannard, Mike Andrade, Dale Koopman, Dwayne Wessels, Shirwin Cupido, Alex Jonker, Victor Maruping, De Wet Bezuidenhout, Ruben Schoeman, Jurie Burger, Janu Botha, JC Janse van Vuuren, Ruben Terblanche. Plaasvervangers: Greydon Wenn, Gela Khanya, IG Prinsloo, Kian Skippers, Dian Badenhorst, Llewellyn Hein, Jeandré Christian, Julian Jordaan.

Griekwas: Wilfred Bowers, Leon Becker, JD Swanepoel, Gerhard Holtzhausen, JP Abrahams, Robbie Petzer, Brandon de Melim, Georg Sieberghagen, Nardus Bosman, Damain van der Bergh, Teubes Brits, Rikus Zwart, FC Swart, Brandon Smith, Boan Venter. Plaasvervangers: Geo Davel, Gloucester Hugo, Ulric Sellar, Ruan Willemse, Gerco Nortjé, Daniello Huyster, Keaton Gordon.

Hannes Nienaber
error: Sorry ol' chap, those shenanigans are not permissible.