SuperSport Schools Plus

Supersport Schools Plus Netball Logo

NWU Skolesportreeks sorg vir hope netbalaksie

By Felicia Erasmus , in Netball | News , at 2024-04-08 Tags:

Die NWU Skolesportreeks het ‘n opwindende naweek van netbalaksie by verskeie skole opgelewer, sowel as ‘n paar interessante uitslae.

Hoërskool Oos-Moot het ‘n indrukwekkende tuisoorwinning van 52-16 oor Hoërskool Middelburg behaal. Lesedi Ntimeng se uitmuntende vertoning, gekenmerk deur haar flink vaardigheid om die bal te onderskep, het ‘n deurslaggewende rol in Oos-Moot se sukses gespeel.

HTS Middelburg en Hoërskool Dr EG Jansen was in ‘n verbete stryd gewikkel, met die Middelburgers wat tuis uiteindelik met 30-21 as oorwinnaars uit die stryd getree het, terwyl Hoërskool Nelspruit in Mbombela naelskraaps vir Hoërskool Eldoraigne met 26-25 verslaan het in ‘n rillerstryd.

Hoërskool Waterkloof het tuis ook vir ‘n begeesterde Hoërskool Transvalia met ‘n telling van 34-24 getroef. Juané Kruger se uitsonderlike vertoning in die senterposisie, asook Zoe Smit se doelvaardighede, het heelwat bygedra tot Waterkloof se sukses, terwyl Transvalia se Dudu Malindi deurentyd groot vasberadenheid tentoongestel het.

error: Sorry ol' chap, those shenanigans are not permissible.