SuperSport Schools Plus

SSS_Logo_180px.png

Khunou en Loedolff laat die diskus woer tot by 1000 punte

By Charne van der Merwe , in Athletics | Featured Athletics | News , at 2024-01-27 Tags: ,

ALICIA KHUNOU van Menloapark in aksie tydens die gewigstoot vir meisies o.19 wat sy met 'n skitterende afstand van 14,.46m gewen het. FOTO: Marius Nortjé
ALICIA KHUNOU van Menloapark in aksie tydens die gewigstoot vir meisies o.19 wat sy met ‘n skitterende afstand van 14,.46m gewen het. FOTO: Marius Nortjé

Die Hoërskool Menlopark se Alicia Khunou (o.19) het vir die beste vertoning tydens die Hoërskool Noordheuwel se jaarlikse massabyeenkoms in Krugersdorp gesorg.

Sy en Chirsté Loedolff ook van Menlopark is die enigste twee atlete wat ‘n voltal punte (1000 punte) tydens die byeenkoms kon aanteken. Albei het dit in die diskus-nommer vermag.

Khunou het haar voltal in dis diskus vir meisies o.19 met ‘n gooi van 52.29 meter behaal. Dit is ook ‘n nuwe byeenkomsrekord.

Dit is ook verder as die Suid-Afrikaanse Skole-rekord van 49.80m wat in 2012 deur Ischke Senekal opgestel is. Dié SA Skole-rekord kan egter net op die Suid-Afrikaanse Skole-kampioenskap verbeter word.

Meeste atlete van Gauteng-Noord verkies egter nie om aan die byeenkoms deel te neem nie. Die grootste rede is waarskynlik omdat Gauteng as een provinsie vir die byeenkoms gesien word en slegs 250 atlete na daarna kan stuur.

Kyla Nienaber van Noordheuwel was tweede met ‘n heel skaflike poging van 40.37m. Khunou se tweelingbroer, Ronald Khunou, het ook in die o.19-afdeling vir seuns goud met ‘n gooi van 48 meter gewen.

Khunou het ook in die gewigstoot goud met ‘n poging van 14.46m gewen. Nienaber (11.85m) moes hier met die derde plek tevrede wees. Cellonika van der Berg (Menlopark) het haar in dié nommer met ‘n poging van 12.56m uitgestof.

Loedolff het haar 1000 punte danksy ‘n gooi van 48.46m in die diskus vir meisies o.17 vermag. Jamoré Olivier (Noordheuwel) en Ashlynn Nel (Menlopark) moes met pogings van 43.21m en 40.66m onderskeidelik met die tweede en derde plekke tevrede wees.

Olivier het egter die septer in die gewigstoot geswaai toe sy die bal op 15.61 meter laat grondvat het. Nel was die keer tweede met ‘n poging van 14.29m, terwyl Loedolff (12.66m) met die bronsmedalje tevrede moes wees.

Die Parkies se Merlé Janse van Rensburg (o.16) het goud in die diskus (42.20m) asook die gewigstoot (12.38m) ingeoes. Iza-Marie Odendaal (Noordheuwel) het in dis diskus vir Janse van Rensburg goeie teenstand met ‘n beste gooi van 40.17m gebied

Nories se Jessica van Aswegen (o.15) sal ook tevrede met haar vertoning in die spiesgooi wees. Sy het die blikassegaai tot op 42.37 meter laat trek.

error: Sorry ol' chap, those shenanigans are not permissible.