Immelman dalk vandag terug vir Grey
GREY-KOLLEGE se rugbyspan sal vanmore eers wee tom sy ster heelagter Henry Immelman vir hom die laaste vesting in sy kragmeting teen Paarl Gimnasium op die tweede dag van die Wildeklawer-toernooi in Kimberley sal beman.
Immelman sal om 09:00 deur die fisioterapeut James Wessels ondersoek word wat sal bepaal om hy genoegsaam van sy skouerbesering herstel het, om aan die wedstryd deel te neem. Wessels se seun Dwayne is die span van die Rosestad se losskakel.
Die span sal ook duime houvas dat sy Cravenweek-stut, Ruben Terblanche se enkelbesering wat hy teen Outeniqua opgedoen het nie te ernstig is nie en dat hy van die mediese span die ja-woord sal ontvang om te speel.
Indien Immelman beskikbaar is sal die span se held van Maandag teen die Kwaggas, Louwtjie Steenkamp na vleuel skuif. Julian Jordaan (enkel) en Charl Pretorius (gebreekte arm) is steeds buite aksie.
Dié hoofwedstryd van die dag tussen Grey en Paarl Gimnasium sou aanvanklik nie plaasgevind het nie met die span van Bloemfontein wat oorspronklik teen Monument sou uitdraf. Die spanne het egter destyds reeds ‘n ontmoeting vir die Kearsney-kollege Paastoernooi geskeduleer gehad wat die toe Wildeklawer se bepaling verander het.
Gimmies het op die eerste dag teen Affies met ‘n sege van 40-7 afgeransel. Die wedstryd beloof dus om dié wedstryd van die toernooi te wees. Gimmies se slot Jaco Willemse, senter Taigh Schoor en agtsteman HJ Luus kan dorings in Grey se vlees wees.
Indien Grey PE van die skok kan herstel na sy nederlaag van 21-25 teen EG Jansen na hy nog met agt minute oor in die wedstryd 21-6 voor was, kan die wedstryd teen Waterkloof een wee swat ook vir heelwat opwinding kan sorg.
Klofies se losskakel, Tinus de Beer se spelpeil is op die oomblik van hoogstaande gehalte en sy stryd met sy direkte teenstander van die Baai Curwin Bosch behoort een vir die fynproewer te wees.
King Edward VII sal na sy loesing van 67-0 teen Paul Roos teen Noord-Kaap wil wys dat hy op die toernooi hoort. Northerns het egter goeie spel in sy nederlaag op die eerste dag teen Oakdale Landbou (39-30) gelewer en sal dit nie maklik vir die besoekers uit Johannesburg maak nie.
Vandag se bepalings:
07:30: Boland Landbou t. HTS Middelburg; 08:40: Outeniqua t. Glenwood; 09:50: Paul Roos t. EG Jansen; 11:00: Maritzburg-kollege t. Diamantveld; 12:10: Affies t. Oakdale Landbou; 13:20: Waterkloof t. Grey PE; 14:30: King Edward VII t. Noord-Kaap; 15:40: Monument t. Selborne-kollege; 16:50: Grey-kollege t. Paarl Gimnasium. B-veld – 11:00: HTS Drostdy t. Uitnodigingspan.
