7 bielies en 2 buksies by Cravenweek 2014

By Hannes Nienaber , in Rugby | News , at 2014-07-15

Middelburg. – Daar is vanjaar vier spelers by die 51ste jaarlikse Cravenweek vir hoërskole wat so effens moet buk wanneer hulle by ’n vertrek instap.

Reinhard Nothnagel (Leeus), Eli Snyman (Zimbabwe), Eduard Zandberg en Adré Smith (albei Suidwestelike Distrikte) staan almal 2,01 m in hul sokkies.

Hulle is die langste spelers op vanjaar se Cravenweek-toernooi. Hulle is wel ietwat korter as R.G. Snijman van die Blou Bulle (2,05 m) wat verlede jaar in Polokwane die langste speler was.

Buiten die vier is daar net drie ander slotte wat 2 m lank is. Twee van hulle, Jaco Willemse en Ruben de Villiers, draf vir Westelike Provinsie uit. Die ander slot is die Valke se Hendré Stassen.

Willemse laat die skaal ook nog op 126 kg kreun wat hom ’n bielie in die fisieke dele van die spel maak. Dit is slegs 4 kg ligter as die swaarste speler op vanjaar se toernooi – Thabiso Khanya (130 kg), vaskopstut van die Luiperds.

Die kortste speler op die toernooi by die HTS Middelburg is Monde Zizile (1,50 m), buitesenter van Grens-platteland.

Hy is net ’n raps langer as André Share van Griekwas (1,56 m).

About
Latest Posts

Hannes Nienaber

Hannes Nienaber covered schools' rugby in South Africa for Volksblad, Beeld, and Rapport for 11 years. He also created the biggest school rugby website in South Africa - School of Rugby - back in 2007. It eventually morphed into Supersport Schools Plus. He still occasionally milks cows.

Latest posts by Hannes Nienaber (see all)